За прамерзлую палату ў баранавічскай бальніцы вінаватай назвалі санітарку

На думку гарадскога кіраўніцтва, яна мусіла атрымаць дазвол аддзела ідэалогіі гарвыканкама, каб пусціць у клініку журналіста.

Нагадаем, што некалькі дзён таму амаль усе беларускія СМІ абышла інфармацыя пра палату № 311 у баранавіцкай клініцы. Тэмпература паветра ў палаце была +10, унутры палаты на шыбах намярзаў лёд.

У выніку супрацоўніца, да якой дайшлі чуткі з гарвыканкама, вымушаная была напісаць заяву на звальненне з уласнага жадання. Праўда, адміністрацыя клінікі паступіла па-чалавечы і не задаволіла заяву. Жанчына засталася на працы.

Між тым "знакамітая" палата № 311 ужо набыла жылы выгляд: там пафарбавалі сцены, дадалі секцый у батарэях ацяплення.