ХРОНІКА АПОШНІХ ПАДЗЕЙ

Источник материала:

ААН: урон ад стыхійных бедстваў ў свеце дасягнуў рэкорднага ўзроўню

Паводле ацэнак ААН, у 2011 годзе стыхійныя бедствы нанеслі сусветнай эканоміцы беспрэцэдэнтны матэрыяльны ўрон — 380 мільярдаў долараў. Пры гэтым колькасць ахвяр катастроф не павялічваецца. Гэта на дзве траціны больш, чым у рэкордным 2005 годзе, калі па поўдні ЗША пранёсся спусташальны ўраган "Катрына", перадаюць інфармагенцтвы. У першую чаргу матэрыяльныя страты былі звязаны з разбуральнымі землятрусамі ў Японіі і Новай Зеландыі, а таксама паводкамі ў Тайландзе і іншых краінах.

Украінскіх чыноўнікаў яшчэ на два гады пакінулі без раскошных аўто

Урад Украіны падоўжыў да 2014 года дзеянне пастановы аб эканоміі бюджэтных сродкаў, якая, у прыватнасці, забараняе чыноўнікам купляць за кошт казны дарагія аўтамабілі. Пра гэта паведамляе прэс-служба кабінета міністраў. Таксама ўстаноўлена абмежаванне на набыццё дзяржслужачымі мэблі, ноўтбукаў, мабільных тэлефонаў і рамонт у рабочых кабінетах. Ва ўрадзе адзначылі, што гэтая пастанова тычыцца як міністэрстваў і ведамстваў, так і іншых дзяржаўных устаноў.

Самым багатым чалавекам на планеце стаў мексіканец Карлас Слім

Мексіканскі мільярдэр Карлас Слім стаў самым багатым чалавекам планеты, паводле рэйтынгу Blооmbеrg. Яго багацце павялічылася на 11% з пачатку гэтага года і ацэньваецца ў $ 68,6 млрд, паведамляюць інфармагенцтвы. На другім месцы апынуўся амерыканец і заснавальнік Mісrоsоft Біл Гейтс, чые актывы складаюць $ 62,4 млрд і павялічыліся на 11% з пачатку года. На трэцім месцы — Уорэн Бафет з капіталам ў $ 43,8 млрд.

Падрабязнасці

Еўракамісія прызнала паўторную рэцэсію еўразоны

Еўразона ў цяперашні час знаходзіцца ў стане "мяккай рэцэсіі". Пра гэта заявіў еўракамісар па эканамічных пытаннях Олі Рэн.

Як паведамляецца ў прэс-рэлізе Еўрастата, паводле перагледжаных звестак, у чацвёртым квартале 2011 года ВУП еўразоны, як і ўсяго ЕС, скараціўся на 0,3 % у параўнанні з вынікамі ліпеня-жніўня. Такім чынам, па выніках мінулага года эканоміка ЕС вырасла на 1,5 %, еўразоны — на 1,4 %. У адпаведнасці з перагледжанымі звесткамі за чацвёрты квартал 2011 года ў стане рэцэсіі знаходзяцца эканомікі Бельгіі, Нідэрландаў, Чэхіі, Італіі, Партугаліі, Славеніі, Грэцыі.

У канцы студзеня Еўракамісія прадказала еўразоне рэцэсію (спад на працягу двух кварталаў запар), другую за апошнія тры гады. Аналітыкі адзначалі тады, што эканамічнае развіццё валютнага саюза спынілася ў канцы 2011 года. На іх думку, негатыўныя тэндэнцыі будуць назірацца і сёлета, прычым адмоўны рост працягнецца на працягу 12 месяцаў.

  Коратка

Амаль 150 спартсменаў з Беларусі і Расіі выступяць на адкрытым чэмпіянаце і першынстве краіны па гарналыжнаму спорту ў Сілічах. Сёння пройдуць спаборніцтвы па слаламу. Акрамя беларускіх гарналыжнікаў у турніры прымуць удзел дзве каманды з Расіі.

Упраўленнем Следчага камітэта па Мінску затрыманы старшыня назіральнай рады ААТ "Тэхнабанк" Уладзіслаў Кацарэнка, паведамілі ў аддзеле інфармацыі і сувязі з грамадскасцю Следчага камітэта. Банкір затрыманы па падазрэнні ва ўчыненні злачынства, прадугледжанага ч. 6 арт. 16 "Саўдзел у злачынстве" і ч.2 арт. 243 "Ухіленне ад выплаты сум падаткаў, збораў" КК Беларусі.