Станіслава Шушкевіча не выпусцілі з Беларусі

18 сакавіка на станцыі Гудагай на беларуска-літоўскай мяжы ссадзілі з цягніка "Мінск-Вільнюс" Станіслава Шушкевіча, старшыню Вярхоўнага Савета 12-га склікання, паведамляе Радыё Свабода.

Памежнікі заявілі Станіславу Шушкевічу, што ён не мае права выязду за мяжу, але не патлумачылі, чаму.

У сакавіку за межы Беларусі не змаглі выехаць Анатоль Лябедзька, кіраўнік АГП; Віктар Карнеенка, каардынатар кампаніі "За справядлівыя выбары"; Сяргей Калякін, кіраўнік Партыі левых "Справядлівы свет"; Валянцін Стэфановіч, праваабаронца цэнтру "Вясна"; Алег Гулак, кіраўнік БХК; Гары Паганяйла, праваабаронца БХК; Жана Літвіна, кіраўніца БАЖ; Міхал Янчук, прадстаўнік "Белсату".