У Гродне напісалі агульнанацыянальную дыктоўку

24 сакавіка зала грамадскага аб’яднання “Крэсовія” ледзь змясціла ўсіх жадаючых. Напісаць дыктоўку на роднай мове прыйшло больш за 200 гродзенцаў.

Тэкст на верш “Мы народ” Ларысы Геніюш прачытаў Генадзь Бураўкін. Для ўдзельнікаў дыктоўкі выступіў бард Алесь Камоцкі. Сяргей Шапран і Міхась Скобла прадставілі новыя кнігі выдавецтва “Гарадзенская бібліятэка” — “Ларыса Геніюш. Лісты з Зэльвы” і “Васіль Быкаў. Гарадзенскі архіў”.

Гэта пятая па ліку беларуская дыктоўка ў Гродне. Традыцыйна яе арганізуюць выдавецкая серыя “Гарадзенская бібліятэка” і гродзенскае аддзяленне “Таварыства беларускай школы”.