ХРОНІКА АПОШНІХ ПАДЗЕЙ

Источник материала:

Пентагон рыхтуе Ўдар па Іране

ЗША маюць пэўны план нанясення ўдараў па Іране. Міністр абароны краіны Леон Панета ў інтэрв'ю тэлеканалу СNN расказаў, што ўжо завершана распрацоўка планаў нападзення на ядзерныя аб'екты Ірана. У сваю чаргу Іран у чаканні атакі ўмацоўвае сваю супрацьпаветраную абарону. Тэгеран ужо абвясціў пра паспяховую распрацоўку і пачатак вытворчасці кампанентаў уласнага зенітна-ракетнага комплексу, здольнага замяніць расійскае ўзбраенне.

Паліцэйскі адмовіўся ад хабару ў RUR 4 млн

Днямі ў Расіі 35-гадовая цыганка спрабавала даць хабар у суме 4 мільёны расійскіх рублёў старшаму оперупаўнаважанаму па асабліва важных справах аддзела аператыўнай службы УФСКН па Краснаярскім краі. За гэтыя грошы жанчына прасіла спыніць вышуковыя мерапрыемствы ў дачыненні яе сястры, якая падазраецца ў незаконным абарачэнні наркотыкаў.

Падрабязнасці

Украіна мяняе "Маленькага прынца" на "Гары Потэра"

Ва ўкраінскіх школах будзе істотна зменена праграма па замежнай літаратуры. Колькасць класічных твораў, якія будуць вывучацца, зменшыцца. Замест іх у праграму ўключаць папулярныя сучасныя кнігі (у прыватнасці — у жанры фэнтэзі).

Новую праграму для вучняў 5—9 класаў распрацавала міністэрства адукацыі Украіны. У прыватнасці, з пераліку твораў, якія вывучаюцца ў шостым класе, прыбяруць "Маленькага прынца" Антуана дэ Сэнт-Экзюперы. Замест яго школьнікам прапануюць "Гары Потэра" Джаан Роўлінг. З праграмы пятага класа знікне "Маўглі" Кіплінга, з праграмы сёмага — "Айвенга" Скота, восьмага і дзявятага — "Фаўст" Гётэ і "Боская камедыя" Дантэ. Замест іх з'явяцца, у прыватнасці, "Стары з крыламі" Маркеса, "Чужы боль" Лук'яненкі і "Алхімік" Каэльё. Прэзентацыю праграмы міністэрства адукацыі правяло ў пачатку красавіка. У ведамстве, праўда, адзначаюць, што канчаткова яна пакуль не зацверджана. Супраць праграмы тым часам выступілі настаўнікі замежнай літаратуры ў Кіеве. Яны накіравалі адкрыты ліст на імя міністра адукацыі Дзмітрыя Табачніка. Аўтары ліста лічаць, што праект не адпавядае дзяржаўным адукацыйным стандартам, перагружае вучняў і скажае іх уяўленне пра сусветны літаратурны працэс.