"Беларускае бістро" у Шаркаўшчыне прапануе піцу на выбар

Наведвальнікі міні-кафэ “Беларускае бістро”, безумоўна, звярнулі ўвагу на новы від паслуг, які прапануе жыхарам і гасцям райцэнтра аддзел грамадскага харчавання райспажыўтаварыства.



Зараз у міні-кафэ можна заказаць толькі што спечаныя піражкі з начынкай, беляшы, чабурэкі, піцу 5 разнавіднасцяў, а дакладней вегетарыянскую, з курацінай, вяндлінай, сасіскамі і шампіньёнамі. Свежую прадукцыю для шаркаўчан выпякае повар Вераніка Завацкая (яе вы бачыце на здымку). Жадаеце перакусіць? Абавязкова завітайце ў “Беларускае бістро” і выберыце тое, што вам спадабалася. Праз 10-15 хвілін ваш заказ будзе выкананы. Кошт свежай піцы вагаецца ў межах ад 12.600 да 23.100 беларускіх рублёў.