Складнiкi:500 г свiнiны, 3 шклянкi буйной белай фасолi, 3 морквы, 2 цыбулiны, 2 бульбiны, 30 г кораня салеры*, 30 г кораня пятрушкi, 3 зубкi часнаку, 2 ст. лыжкi таматавай пасты, 2 ст. лыжкi мукi, перац, лаўровы лiст, соль, зелянiна пятрушкi i кропу.
Фасолю загадзя замачыць, прамыць i зварыць да паловы гатовасцi. Бульбу абабраць, памыць, нарэзаць кубiкамi, адварыць у невялiкай колькасцi вады.
Зварыць мясны прыварак разам с 2 морквамi, 1 цыбулiнай, карэннямi салеры i пятрушкi, якiя пасля гатовасцi працерцi i зноў закласцi ў прыварак разам з фасоллю, працягваць варыць.
Пакiнутыя цыбулю i моркву нашаткаваць i падсмажыць на тлушчы, атрыманым з прыварку. Калi цыбуля толькi пачне падрумяньвацца, дадаць дробна насечаны зубок часнаку, муку i перамяшаць. Амаль адразу дадаць таматавую пасту. Смажыць, перамешваючы, каля адной хвiлiны, потым закласцi ў суп разам с працёртымi з соллю 2 зубкамi часнаку, перцам, лаўровым лiстом i паварыць да мяккасцi фасолi. Гатовую страву пасыпаць зелянiнай пятрушкi i кропу.
* салера - сельдерей
ГАРБУЗОК
Складнiкi:1 кг гарбуза, 1 цыбулiна, 2 л вады, 1/2 л сыроваткi, 200 г свiнiны, 100 г здору са скваркамi, 200 г смятаны, 50 г кораня салеры, 30 г кораня пятрушкi, кмен, соль, зелянiна пятрушкi i кропу.
Гарбуз прамыць, нарэзаць невялiкiмi кубiкамi, пакласцi ў рондаль, залiць сыроваткай, распушчанай вадой. Пасалiць, засыпаць кмен i варыць. За некалькi хвiлiн да гатовасцi дадаць здробненыя каранi салеры i пятрушкi.
На здоры са скваркамi падсмажыць нарэзанае кубiкамi мяса, нашаткаваную цыбулю. Заскварыць гэтым гарбуз i паварыць яшчэ 10 - 15 хвiлiн. Забялiць смятанай i пасыпаць дробна насечанай зелянiнай пятрушкi i кропу.
ШАЛТАНОСЫ
Складнiкi: Для цеста:400 г грэцкай* мукi, 1 ст. лыжка цукру, 2 ст. лыжкi сметанковага масла, 10 г дражджэй, 200 г вады, 1 яйка, цукар, соль. Для накрыпкi: 300 г тварагу, 200 г смятаны, 1 яйка.
Ваду нагрэць да тэмпературы 35оС, распусцiць у ёй дрожджы i ўсыпаць палову мукi. Падрыхтаваную рошчыну пакiнуць у цёплым месцы на гадзiну. Калi аб'ём рошчыны павялiчыцца ў паўтара-два разы i яна пачне патроху апускацца, дадаць соль, цукар, сметанковае масла, астатнюю муку i замясiць цеста. Яно павiнна быць вымешана да аднастайнай кансiстэнцыi i не прылiпаць да рук. Цеста паставiць для закiсання ў цёплае месца на дзве гадзiны. Гатовае цеста выкласцi на стол, пасыпаны мукой, падзялiць на кавалачкi i надаць iм форму шарыкаў, якiя пакiнуць на 5 хвiлiн, каб цеста трохi падышло. Пасля гэтага шарыкi раскачаць у выглядзе круглых аладак таўшчынёй да 1 см i пакласцi на iх тварог, змяшаны са смятанай. Краi аладкi злучыць i зашчыпаць, надаючы ёй авальную форму.
Шалтаносы вышмараваць алеем, паскладаць швом унiз на бляху, папярэдне змазаную алеем, на адлегласцi 1 1/2 см адзiн ад iншага i паставiць на 20 хвiлiн у цёплае месца для ўздыму. Пасля гэтага шалтаносы вышмараваць узбiтым яйкам i выпякаць у духоўцы 15 хвiлiн.
Па рэцэпту В.А.Л.Завадзкай, аўтаркi "Кухаркi лiтоўскай", шалтаносы адварваюцца.
* грэцкая - гречневая
ДРАНIКI КРЫПАНЫЯ*
Складнiкi:1 1/4 кг бульбы, 2 ст. лыжкi мукi, 2 яйкi, 150 г алею, 2 ст. лыжкi сметанковага масла, соль.
Мясная накрыпка*.
Складнiкi:400 г свiнiны, 2 цыбулiны, соль, перац. Падрыхтаванае мяса прапусцiць праз мясасечку, змяшаць з нашаткаванай i падсмажанай цыбуляй.
Рыбная накрыпка.
Складнiкi: 300 г рыбы, 2 яйкi, 1 цыбулiна, перац, соль. Цыбулю дробна нашаткаваць i абсмажыць. Яйкi зварыць укрутую, ачысцiць. Рыбу падсмажыць, дадаць цыбулю, яйкi, соль, перац. Старанна ўсё перацерцi вiдэльцам.
Грыбная накрыпка.
Складнiкi:300 г грыбоў, 1 цыбулiна, перац, соль. Грыбы адварыць, дробна нарэзаць i падсмажыць з нашаткаванай цыбуляй, пасалiць i паперчыць.
Буйную бульбу абабраць, памыць i нацерцi на тарцы, перамяшаць яе з мукой i яйкамi, пасалiць. На аладкi, выкладзеныя на разагрэтую патэльню, пакласцi накрыпку, а зверху закрыць бульбяной масай, дранiкi смажыць з абодвух бакоў да атрымання румянай скарыначкi.
Гатовыя дранiкi скласцi ў саганок з растопленым маслам i паставiць у духоўку на 10 хвiлiн.
Главная
Гороскопы
Складнiкi: 500 г свiнiны, 3 шклянкi буйной белай фасолi, 3 морквы, 2 цыбулiны, 2 бульбiны, 30 г кораня салеры*, 30 г кораня пятрушкi, 3 зубкi часнаку, 2 ст. лыжкi таматавай пасты, 2 ст. лыжкi мукi, перац, лаўровы лiст, соль, зелянiна пятрушкi i кропу.
Складнiкi: 1 кг гарбуза, 1 цыбулiна, 2 л вады, 1/2 л сыроваткi, 200 г свiнiны, 100 г здору са скваркамi, 200 г смятаны, 50 г кораня салеры, 30 г кораня пятрушкi, кмен, соль, зелянiна пятрушкi i кропу.
Складнiкi: 1 1/4 кг бульбы, 2 ст. лыжкi мукi, 2 яйкi, 150 г алею, 2 ст. лыжкi сметанковага масла, соль.