У цэнтры Віцебска зноў правальваецца зямля

Пасля начной залевы 12 чэрвеня ў цэнтры Віцебска насупраць амфітэатра ў тратуары зноў утварыўся правал.

 

Роўна месяц таму на гэтым жа месцы пад зямлю правалілася дзяўчына падчас акцыі па раздачы бяздомных жывёл. Тады яму засыпалі, але плітка вакол працягвала прасядаць.

Моцны дождж, а за 12 чэрвеня ў Віцебску выпала 18 мм ападкаў, зноў вымыў насыпаны пясок і падмыў зямлю вакол яшчэ больш. Цяпер правал пашырыўся, не вытрымаў і бардзюрны камень.

Пад гэтым месцам пракладаюць падземны пераход. 17 мая тунэль вышаў у памяшканне былой кавярні “Фарсаж”, зараз працы вядуцца там.