Вырасціў ураджай — падзяліся... Досведам

Источник материала:

Вось і восень на парозе... Падаецца, толькі радаваліся першаму веснавому цяплу, а бач ты, ужо ўраджай збіраць трэба. Дарэчы, пра апошні. Гэтая тэма, як і размовы пра надвор'е, зараз на слыху. Хто адпачынак на лецішчы правёў, хто проста на выхадныя да бацькоў у вёску з'ездзіў, але ўсе, вярнуўшыся, расказваюць пра ўраджай на градках і ў садах, частуюць калег і знаёмых вітаміннай прадукцыяй, вырашчанай сваімі рукамі. Ды што садавіна-гародніна! А кветкі — гэтая прыгажосць!.. Словам, амаль кожнаму ёсць што паказаць, пра што расказаць. Гледзячы на тое, нават стапрацэнтныя гараджане не вытрымліваюць: маўляў, і мы не горшыя. Што з таго, што ўчастка няма? А вазон на падаконніку? Карацей, наслухаўшыся такіх размоў, мы вырашылі: а чаму не сабраць самае цікавае на газетнай паласе? Хто што экзатычнага сёлета вырасціў, або пасадзіў звыклую культуру, але атрымаў надзвычай багаты ўраджай. Пачалі з міні-апытання саміх работнікаў "Звязды". Глядзіш, можа, і чытачы далучацца — раскажуць пра дзівосы на сваіх сотках, дашлюць фотаздымкі?..