Маці крычала: "Не біце яму ў галаву, у яго там касцей няма"
15.01.2013 20:38
—
Новости Общества
|
Маці крычала: "Не біце яму ў галаву, у яго там касцей няма" Еўрарадыё знайшло
Еўрарадыё: Што вы бачылі? Дзе знаходзіліся, калі адбылася бойка? Святаслаў: Я сядзеў наўпрост насупраць маладых людзей. Мама інваліда сядзела справа ад мяне. Калі я падняў галаву, яны ўжо біліся. Мне вельмі не спадабалася, калі пісалі, што яны ўдвух яго збівалі і білі нагамі. Такога не было! Яны счапіліся, і хлопец разы 3-4 ударыў у твар. Разбіў няслаба, уся куртка была ў крыві. Але іх адразу пачалі разнімаць. Еўрарадыё: Хто разнімаў? Святаслаў: Дзяўчына, якая з імі была, і хлопец таксама, вось гэты ягоны сябар. Ён не біў інваліда, ён супакойваў сябра свайго. А інваліду, калі ўрэзаў у твар, той адразу "паплыў". Хлопец гэты быў раззлаваны, гэта было бачна. Еўрарадыё: Як выглядаў збіты? Святаслаў: Такі здаровы працавіты мужык на выгляд. Звычайны сярэднестатыстычны рабацяга, такі шырокі ў плячах, шчыльна збіты, кілаграмаў пад 90 ці болей. Еўрарадыё: Ці бачылі вы, як ён заходзіў у вагон? Святаслаў: Не бачыў, я ў гэты момант SMS пісаў. Я зразумеў, што ён інвалід, калі маці ягоная пачала крычаць, што ён інвалід I групы. Крычала: не чапайце яго, ён жа інвалід, ён нічога не зрабіў. Не біце яму ў галаву, у яго там касцей няма. Еўрарадыё: Жанчына сядзела ўвесь гэты час побач з вамі? Святаслаў: Я не разумею, чаму яна сядзіць, а ён стаіць. Але яна сядзела. А калі гэта пачалося, яна падскочыла і пачала разнімаць. Але яна нават не разнімала, а больш да хлопца намагалася дастаць, у твар яму лезла. Еўрарадыё: З чаго распачаўся канфлікт? Святаслаў: Гэтага я не бачыў. Я не чуў, што ён казаў. Чуў толькі, як сябры хлопцу гэтаму казалі: супакойся. І казалі: хадзем-хадзем. Яны на "Плошчы Перамогі" выйшлі. Еўрарадыё: А збіты хлопец з маці дзе? Святаслаў: На наступнай станцыі. Яны вырашылі, што яму тэрмінова патрэбная дапамога, і выйшлі. Еўрарадыё: Ці шмат было крыві? Святаслаў: Крыві было вельмі шмат, уся куртка была ў крыві. Ён яму над брывом лоб разбіў. Еўрарадыё: Хлопец гэты, Аляксей, кажа, што ў яго твар таксама быў у крыві. Гэта праўда? Святаслаў: Так, у яго штосьці было падрапана. Еўрарадыё: Чаму ж вы не пачалі разнімаць? Святаслаў: Там такая сітуацыя, што мужчына пачаў разнімаць. Ды і гэта адбылося ўсё вельмі хутка. Ён ударыў разы тры і перастаў, інвалід сеў, а ён адышоў. Еўрарадыё: Шмат хто проста ў шоку, бо ніхто не заступіўся за інваліда першай групы. Чаму ніхто не заступіўся? Святаслаў: Ды рэч у тым, што як можна заступіцца, калі хлопец на выгляд гадоў 17 і мужык гадоў 40 на выгляд. Іх проста разнімалі. У мяне не было ў галаве думкі за яго заступіцца, бо ён выглядаў як здаровы мужык. Я не так сабе ўяўляў інваліда першай групы, але знешнасць апынулася падманлівай. Еўрарадыё: Калі гэтая кампанія выйшла, што далей было? Святаслаў: Калі яны выходзілі, маці (інваліда, - заўв. Еўрарадыё) іх паспрабавала спыніць. Але яны выйшлі. Адразу да яго падышла дзяўчына, ён сядзеў на самым крайку, а маці побач стаяла. Людзі пачалі малоць языкамі. Сказалі: выходзьце на наступнай, ён жа крывёю сыходзіў, выклікайце "хуткую". Еўрарадыё: А гэтых маладзёнаў хтосьці намагаўся затрымаць? Святаслаў: Не. У мяне, калі шчыра, не ўзнікла жадання іх затрымліваць. Я не ведаю... Гэта вельмі цяжка - што праўда, што не, але мне тады здавалася, што гэты хлопец меў рацыю. Еўрарадыё: А што людзі абмяркоўвалі? Святаслаў: Збольшага маці галасіла: "Ды як жа так?". А людзі казалі, што трэба кроў спыніць. Хтосьці казаў: "Навошта так моцна біць?" Еўрарадыё: У які момант вы звярнулі ўвагу на канфлікт? Святаслаў: Я бакавым зрокам заўважыў, што людзі расступіліся, і тады падняў галаву. Еўрарадыё: І што вы пабачылі? Святаслаў: Цяжка ўзгадаць, што было ў першы момант. Яны там счапіліся спачатку, пацягалі адзін аднаго. Потым я ўжо ўбачыў, як ён біў яго ў твар. Еўрарадыё: За што яны адзін аднаго схапілі? Святаслаў: Ну, за курткі, загрудкі. Еўрарадыё: Хлопец нанёс тры ўдары? А інвалід упаў? Святаслаў: Не, ён стаяў. А пасля ён проста сеў. Еўрарадыё: І колькі гэта працягвалася па часе? Святаслаў: Тое, што я бачыў, секунд 6-7. Чтобы разместить новость на сайте или в блоге скопируйте код:
На вашем ресурсе это будет выглядеть так
Еўрарадыё знайшло сведку падзеяў, які сядзеў насупраць, побач з маці інваліда
|
|