Маці забітага ў Кіеве беларуса: "Ён казаў, што хутка прыедзе дадому"

Аб сваім стаўленні да ўдзелу сына ў рэвалюцыйных падзеях на поўдні кажа так:

- Не пра мяне ён думаў, а пра Украіну. Навошта я яго нараджала, пакутавала ўсе гэтыя гады? Гэта не выказаць! Мы думалі, што будзе нас каму на старасці дагледзець, але вось як атрымалася.

Міхаіл Жызнеўскі стаў трэцяй ахвярай сутычак у Кіеве. Па дадзеных "Нашай Нівы", Жызнеўскі ўваходзіў у каманду Віталя Клічко, быў актывістам украінскай нацыяналістычнай арганізацыі УНА-УНСО. Меў мянушку Локі.