У Курапатах ушанавалі памяць продкаў і адзначылі Дзяды (фотарэпартаж)

Источник материала: 21.by

 У гэты дзень, другога лістапада, у Менску адбылася шэсце да ўрочышча Курапаны, дзе аддалі даніну памяці продкаў і ахвярам сталінскіх рэпрэсій.

Збор шэсця распачаўся каля 10:30 ля гадзіннікага заводу «Луч». Удзельнікі прыносілі з сабою бел-чырвона-белы сцяг і ўкраінскі сцяг, свечкі, кветкі. Некаторыя былі апранутыя ў нацыянальную вопратку. Там жа былі сабраны крыжы для ўрочышча. А ўжо каля 11 распачалося шэсце да Курапат, па праспекце Незалежнасці, вуліц Каліноўкага, Сядых, Карбышава, Гамарніка і Мірашнічэнкі. Пад час падзеі гучалі лозунгі «Жыве Беларусь!» і «Слава Украіне – героям слава!», а таксама беларускія патрыятычныя песні. Арганізатарамі мерапрыемства сталі сябры Кансераватыўна-хрысціянскай партыі БНФ. Таксама на шэсці былі заўважаны лідар партыі БНФ Аляксей Янукевіч, палітыкі Віталь Рымашэўскі, Павел Севярынец, Юрый Губарэвіч. Усяго праймала ўдзел у шэсці каля 400 чалавек.

Праз тры гадзіны калона ўдзельнікаў дайшла да Курапат. Там людзі ўсклалі кветкі і ўшанавальныя свечкі на месцах захавання ахвяр сталінскіх рэпрэсій. А потым распачаўся мітынг. Першым выступіў прадстаўнік КХП-БНФ Валер Буйвал, які прачытаў ліст ад Зянона Пазянка. У паведамленні распавядалася пра небяспеку Расіі і яе імперыялістычныя амбіцыі. Выступіў і намеснік старшыні КХП-БНФ Юрась Беленькі. У ягонай прамове краналася тэма інфармацыйнай вайны і пашырэнні рускай мовы ў Беларусі. Мітынг скончыўся ў 15 гадзін выкананнем песні «Магутны Божа». І пачалося ўсталяванне крыжоў. Па паведамленню праваабарончага цэнтра «Вясна» ёсць невялікая колькасці затрыманых, частку ўжо адпусцілі, падрабязнасці высвятляюцца.

Аўтар: Павел Аксіновіч, фота аўтара