Беларуская дыктоўка ў Гродне: шмат моладзі, песні Шалкевіча, тэкст Зоські Верас

30.03.2015 13:04 — Новости Общества |

Размер текста:: A; A; A

Источник материала:

Восьмую па ліку гарадзенскую дыктоўку, прымеркаваную да 25 сакавіка, сёлета сумесна правялі курсы "Мовананова" і "Гарадзенская бібліятэка".

Дыктоўка была прысвечаная стагоддзю першай беларускай школы ў горадзе. Гісторык Андрэй Чарнякевіч, некалькі год таму скандальна звольнены з універсітэту, прачытаў з гэтай нагоды лекцыю для прысутных. Сто гадоў таму школка адкрылася ў будынку праваслаўнага манастыра на месцы сучаснага драмтэатру.

Падабраны для дыктоўкі тэкст Зоські Верас чытала паэтка Ала Петрушкевіч. Зоська Верас мела прамое дачыненне да беларускага жыцця ў Гродне, калі была актывісткай Гуртка Беларускай Моладзі, які дзейнічай да Першай сусветнай вайны.

Агулам у дыктоўцы прынялі ўдзел больш за 100 чалавек, збольшага моладзь.