8 мая ў аграгарадке Бялкоўшчына Смаргонскага раёна прайшла акцыя “Гадзіна памяці”

Источник материала:

Старшыня раённага Савета дэпутатаў Іван Рамановіч разам з начальнікам землеўпарадкавальнай службы Юрыем Богмам і старшынёй раённай арганізацыі грамадскага аб’яднання “Беларускі саюз афіцэраў” Генадзем Гайваронцавым наведалі Бялкоўшчыну. 

У вызначаны час да помніка, які ўстаноўлены ў цэнтры аграгарадка, сабраліся мясцовыя жыхары, сярод якіх былі жанчыны з малымі дзецьмі, людзі сталага веку. У мітынгу таксама прынялі ўдзел старшыня Каранёўскага сельвыканкама Святлана Гаспадарова і кіраўнік мясцовай гаспадаркі Іван Дарашкевіч, культработнікі. 

Перад прысутнымі выступіў старшыня раённага Савета дэпутатаў Іван Рамановіч. Былі яшчэ некалькі выступленняў аб Вялікай Айчыннай вайне, гераізме савецкіх воінаў і партызан, удзячнасці ветэранам за тое, што мы жывём пад мірным небам. 

Каля помніка заняла месца лампада з запаленым агнём, ускладзены вянок, чырвоныя гваздзікі, кветкі з палісаднікаў, якія прынеслі жыхары аграгарадка. 

У гэты ж дзень група на чале са старшынёй раённага Савета дэпутатаў Іванам Рамановічам усклала жывыя кветкі да помнікаў у вёсках Гауці і Карані. 

Юрый ЯНУШКЕВІЧ. 

Фота аўтара.