Впереди летние каникулы. Время напомнить взрослым об ответственности за безопасность детей

Источник материала:

Для таго, каб зберагчы дзіцяці, яго трэба зразумець

Намеснік начальніка абласнога ўпраўлення МНС Уладзімір Лутохін бачыць вялікі сэнс у рабоце па прафілактыцы пажараў і іншых няшчасных выпадкаў, у звычайных жыццёвых гутарках з людзьмі. І тут не мае значэння – праходзіць такая гутарка, скажам, у калектыве буйнога прадпрыемства ці на сустрэчу сабраліся жыхары невялікай вёсачкі. Калі гаворка ідзе пра чалавечае жыццё і здароўе, важны кожны чалавек.

Завітаўшы нядаўна на сельскі сход у аграгарадок Башні, У. К. Лутохін найперш ставіў перад сабой задачу звярнуць увагу дарослых на бяспеку дзяцей у час летніх канікул. “Для таго, каб зберагчы дзіцяці, яго трэба зразумець”, – заўважыў ён, прыводзячы прыклады, калі дзіця выпіла вадкасць для чысткі труб, і яго ледзь выратавалі, ці загінула, гуляючы ў пясчаным кар’еры. “Дзецям вельмі хочацца паглядзець, як гарыць, як узрываецца, хочацца паспрабаваць зарадзіць батарэйкі прама ад разеткі і шмат чаго іншага, што даросламу і ў галаву не прыйдзе”, – тлумачыў выратавальнік матывы дзіцячых учынкаў. Таму і траўміруюцца дзеці вельмі часта.
Толькі ўжо сёлета ў рэспубліцы пацярпела 160 дзетак, адно дзіця загінула. У гэтым сэнсе Уладзімір Лутохін выказаў спадзяванні на работу, якая праводзіцца настаўнікамі па прафілактыцы, звярнуўся да іх з просьбай уважліва ставіцца да абследаванняў умоў пражывання дзяцей, заўважыў, што ў справе бяспекі жыцця не можа быць дробязяў.
40% пажараў здараецца з-за неасцярожнага абыходжання з агнём, падлічыў падпалкоўнік. У нашай вобласці сёлета на пажарах ужо загінулі 52 чалавекі, у раёне – 2. Уладзімір Лутохін заўважыў, што намеру рэкламаваць аўтаномныя пажарныя апавяшчальнікі ў яго няма, тым не менш, на сённяшні дзень  гэта адзіны сродак для своечасовай эвакуацыі ноччу.
Якімі б бяспечнымі не здаваліся сучасныя электрапрыборы, але па іх віне здараецца 22% пажараў. “Вось купілі мы халадзільнік, – прыводзіць жыццёвы, зразумелы кожнаму прыклад супрацоўнік МНС, – уключылі ў разетку і гадоў 15 карыстаемся. Загляніце за яго, адсуньце – магчыма, ваша разетка ўжо “паплыла” па сценцы”. Канкрэтна з-за халадзільнікаў пажары здараюцца не так і часта, але па сваіх наступствах яны надзвычай небяспечныя.
Таксама вяскоўцам быў прадэманстраваны відэаролік “Бяспека БелАЭС”, раздадзены буклеты.
Наталля ЧАРНІЧЭНКА.
Надрукавана ў №40 ад 24.05.2018 г.