Сяброўства ў веры і спорце
08.06.2018
—
Новости Общества
|
Напярэдадні летніх канікулаў навучэнцаў Бабуніцкай школы наведалі трэнер па каратэ Алена Крукоўская з Мазыра і яе выхаванцы. Ініцыятарам сустрэчы стаў настаяцель бабуніцкай царквы Святой Жыватворнай Троіцы іерэй Сергій Капітан. Сустрэча пачалася з наведвання царквы, дзе айцец Сергій адслужыў набажэнства і падзяліўся сваімі думкамі пра фізічнае і духоўнае здароўе. Дырэктар школы Уладзімір Герасіменка адзначыў, што менавіта здаровы лад жыцця дапамагае нам паспяхова рэалізоўваць свае планы, спраўляцца з цяжкасцямі. З цікавасцю навучэнцы слухалі пра якасці, якімі павінен валодаць кожны спартсмен-каратыст, каб не рабіць шкоды іншым. Трэнер таксама пазнаёміла з некаторымі стылямі каратэ, расказала пра неабходнасць пастаянных трэніровак, прыгажосць гэтага віду спорту. Юныя каратысты ў паказальным выступленні прадэманстравалі тэхніку адзінаборства. А на дзень Святой Троіцы, прастольнае свята аграгарадка Бабунічы, у храме Святой Жыватворнай Троіцы адбылася літургія. Упрыгожаннем свята стаў хор з Мазыра пад кіраўніцтвам Ірыны Засінец. Сергій Капітан павіншаваў прыхаджанаў царквы, жыхароў аграгарадка і іншых населеных пунктаў раёна, з Днём Пяцідзясятніцы, пажадаў цялеснага і духоўнага здароўя. Пад святочны спеў званоў вакол храма прайшоў крыжовы ход. Затым ужо на вуліцы адбыўся святочны канцэрт для жыхароў і гасцей свята. Па матэрыялах Тураўскай епархіі. Чтобы разместить новость на сайте или в блоге скопируйте код:
На вашем ресурсе это будет выглядеть так
Напярэдадні летніх канікулаў навучэнцаў Бабуніцкай школы наведалі трэнер па каратэ Алена Крукоўская з Мазыра і яе выхаванцы. Ініцыятарам сустрэчы стаў...
|
|