Новыя жыхары Кіраўшчыны

Па дадзеных, прада­стаўленых райбальніцай, у маі і чэрвені бягучага года ў нашым раёне нарадзілася 25 малышоў: прычым пальму першынства ўпершыню за апошнія месяцы “захапілі” дзяўчынкі — іх нарадзілася 16, моцная палова папоўнілася 9 хлопчыкамі.

У маі сімвал нованароджанага дзіцяці — бусляня — завітаў у 12 сем’яў нашага раёна.
Сыночкі-першынцы нарадзіліся ў Анастасіі Кунгуравай з Кіраўска і Вольгі Смірновай
з Жыліч.
У Анастасіі Мірскай і Вольгі Стасюк з Жыліч, Юліі Дрозд з Кіраўска нарадзіліся дачушкі-першынцы.
Па другім дзіцяці — дачушцы нарадзілася ў Таццяны Аляксеевай з Паўлавіч, Кацярыны Міхалап са Стаўпішчаў, Ірыны Падаляк з Кіраўска.
У Анастасіі Ульзутуевай з Полькавіч нарадзілася другое дзіця — сынок.
У Кацярыны Калабухінай з Баравіцы, Людмілы Сямёнавай з Добасны нарадзілася па трэцім дзіцяці — дзяўчынцы.
Юлія Лісянская з Баравіцы стала матуляй у чацвёрты раз, нарадзіўшы хлопчыка.
У чэрвені прыемная па­дзея — нараджэнне дзіцяці — адбылася ў 13 сем’ях жыхароў Кіраўшчыны.
Упершыню стала матуляй, нарадзіўшы сыночка, кіраўчанка Ксенія Беніцэвіч.
Дачушкі-першынцы нара­дзіліся ў Вікторыі Прыгажаевай з Паўлавіч, Юліі Пірожнік і Марыі Зала­той з Кіраўска, Анастасіі Назаравай з Баравіцы.
У Вікторыі Кандрацьевай з Кіраўска нарадзіўся сынок, які стаў другім дзіцяці ў сям’і.
У Святланы Кавалёвай, Таццяны Лук’янавай, Кацярыны Таўпенец з Кіраўска, Вольгі Лазаравай з Юзафіна нарадзілася па другім дзіцяці — дачушцы.
Па трэцім дзіцяці — хлопчыку нарадзілася ў Ірыны Міхнёвай з Лёўкавіч і Дзіны Русаўскай з Барсукоў.
У Крысціны Бабровай з Любоніч нарадзілася пятае дзіця — сынок.
У красавіку ў другі раз шчасце мацярынства завітала ў сям’ю Яны Безлер з Кіраўска, у яе нарадзілася дачушка.
Жадаем маці і іх малышам здароўя, сямейнай цеплыні, пяшчоты і дабрабыту!