Са свету па сшытку – першакласніку партфель

Источник материала:

Дабрачынная акцыя “Збяры партфель першакласніку” праходзіць па ўсёй рэспубліцы, у тым ліку і на Петрыкаўшчыне. Мэта яе – дапамагчы сабраць дзяцей у школу няпоўным, шматдзетным і малазабяспечаным сем’ям, татам і мамам, якія выхоўваюць дзяцей з інваліднасцю, а таксама тым сем’ям, у якіх адзін ці абодва бацькі з’яўляюцца інвалідамі.

Як паведамілі ў сацыяльна-педагагічным цэнтры,  у зборы школьных прылад прынялі ўдзел ужо многія арганізацыі раёна – раённы аддзел Следчага камітэта, аддзелы адукацыі, спорту і турызму і ідэалагічнай работы, культуры і па справах моладзі райвыканкама, Грабаўскі сельскі Савет, цэнтр банкаўскіх паслуг “Беларусбанка” і шэраг іншых дзяржаўных арганізацый і прадпрыемстваў бізнесу.

Прыняць удзел у акцыі можа любы жадаючы. Для гэтага  трэба купіць школьныя прылады  для першакласнікаў і перадаць іх у сацыяльна-педагагічны цэнтр для далейшага фарміравання партфеляў. Дадатковую інфармацыю можна атрымаць па тэлефоне 2-69-74.

Н. ЧАРНЯЎСКАЯ, фота М. ЯГОРАВАЙ.