Беларускі айцішнік загінуў у Расіі падчас скокаў з парашутам

13.08.2019 13:42 — Новости Общества |

Размер текста:: A; A; A

Источник материала:

Падчас скокаў з парашутам у Расіі загінуў 35-гадовы беларус Сяргей Бязручонак, паведамляе «Наша Ніва».

Фота ўзята са старонкі Сяргея Бязручонка на сайце vk.com

Сяргей Бязручонак каля 8 гадоў жыў і працаваў за мяжой — у Аб’яднаных Арабскіх Эміратах. Ён займаўся маркетынгам у IT-кампаніях. Захапляўся экстрымам: фрыдайвінгам, скокамі з парашутам. Апошняе і прывяло да трагедыі.

Бязручонак загінуў ў Расіі пад Разанню, дзе скакаў з парашутам. Як паведамілі сваякі Сяргея, парашут раскрыўся, але былі нейкія праблемы пры прызямленні.

У выніку Бязручонак атрымаў траўмы, упаў у кому. 12 жніўня ён памёр. Яму было 35 гадоў.