«В центре внимания дети» – республиканская акция приурочена ко Дню знаний

Акцыя пройдзе ў два этапы. Першы пройдзе з 19 да 31 жніўня на аб’ектах гандлю. Работнікі раённага падраздзялення МНС нагадаюць бацькам і вучням пра важнасць выканання правілаў бяспекі. У дапамогу тэарэтычным ведам – практычныя конкурсы, гульні, лагічныя заданні. А за паспяховае выкананне заданняў бацькоў і дзяцей чакаюць падарункі ад выратавальнікаў.

У другі этап акцыі, які пачнецца 2 верасня, будуць уцягнуты ўсе суб’екты прафілактыкі. Ён пройдзе ў рамках “Адзінага Дня бяспекі”. Закране акцыя ўстановы адукацыі, працоўныя калектывы, месцы масавага збірання людзей. Супрацоўнікі МНС у цеснай звязцы з іншымі зацікаўленымі арганізацыямі правядуць прафілактычныя мерапрыемствы, накіраваныя на папярэджанне гібелі людзей ад знешніх прычын, у тым ліку – і ад пажараў.

Вадзім ПІВАВАРАЎ,

інспектар групы прапаганды і ўзаемадзеяння з грамадскасцю РАНС.