В День без автомобиля Шумилино осваивало скандинавскую ходьбу

24.09.2019 — Новости Общества |

Размер текста:: A; A; A

Источник материала:

Скандынаўская хада – за здароўе і экалогію

Традыцыйна Еўрапейскі тыдзень мабільнасці завяршаецца Сусветным днём без аўтамабіля. Штогод 22 верасня аўтамабілістам прапаноўваюць адмовіцца на адзін дзень ад выкарыстання аўто на карысць альтэрнатыўным відам перасоўвання.

У Сусветны дзень без аўтамабіляў раённыя арганізацыі грамадскіх аб’яднаняў “Белая Русь” і “Беларускі рэспубліканскі саюз моладзі” ініцыявалі акцыю, накіраваную на прапаганду скандынаўскай хадзьбы. Майстар-клас па гэтым модным і карысным для здароўя занятку прайшоў на вуліцы Ленінскай у Шуміліне.

Работнікі Шумілінскай ЦРБ Анастасія Баганава і Анастасія Маслюкова расказалі пра карысць скандынаўскай хадзьбы. В. а. абавязкі дырэктара ФАЦ Дзмітрый Ананьеў правёў майстар-клас па скандынаўскай хадзьбе, а інструктары-метадысты фізкультурна-аздараўленчага цэнтра прадэманстравалі, як правільна хадзіць па-скандынаўску.

А далей быў масавы старт, на які выйшлі больш за 70 чалавек: каманды працоўных калектываў, грамадскіх аб’яднанняў і проста жадаючыя.

Унушальнай атрымалася пешая прагулка да Шумілінскай СШ №1 і назад. Добры настрой, усмешкі і пазітыў сталі саюзнікамі тых, хто вырашыў паспрабаваць хадзіць па-скандынаўску. Некаторыя ўсур’ёз зацікавіліся гэтым актыўным адпачынкам. Усім, хто фінішаваў, актывісты “ЭкаБума” прапаноў-валі духмяныя клубніцы. Завяршылася мерапрыемства прыемным сюрпрызам ад ФАЦ – аматары актыўнага адпачынку атрымалі сертыфікаты на бясплатнае наведванне басейна.

Акрамя скандынаўскай хадзьбы ў гэты дзень прапаноўвалася фігурнае ваджэнне веласіпеда, вулічная выстава “Бібліяпаркоўка” і іншыя мерапрыемствы

Алесь САКАЛОЎ.

Надрукавана ў №75 ад 24.09.209 г.