Самы тытулаваны матабольны клуб Беларусі “Аўтамабіліст” спыняе існаванне

Такое рашэнне мясцовыя ўлады прынялі з-за фінансавага крызісу.

Славуты матабольны клуб спыніць існаванне як юрыдычная асоба. “Аўтамабіліст” перададуць арганізацыі ДТСАФ. Праўда, Пінскі гарвыканкам абяцае фінансаваць 40% выдаткаў каманды з бюджэту горада.

“Аўтамабіліст” - самы тытулаваны матабольны клуб Беларусі. Ён вядзе сваю гісторыю з 1979 года. Мае тытул чэмпіёна СССР, 18-ці разовы чэмпіён Беларусі, 17-ці разовы ўладальнік Кубка Беларусі. Самы знакаміты гулец каманды Антон Уласавец, які адзіны ў гісторыі матабола забіў за сваю кар’еру 2 тысячы галоў.