Спорт у эпоху замкаў і магнатаў

Так называецца новая экскурсія, распрацаваная ў музеі-запаведніку «Нясвіж» адмыслова да пачатку II Еўрапейскіх гульняў.

Падчас яе можна даведацца, як ставіліся да спорту ўладары Нясвіжскага замка князі Радзівілы і як у XVI стагоддзі былі звязаныя паміж сабой спорт і «навукі рыцарскія». А таксама якім рухомым гульням аддавалі перавагу прадстаўнікі княжацкага роду ў часы будаўніцтва замка, як праходзілі ўрокі фізічнага выхавання ў Нясвіжскім езуіцкім калегіуме і ў гонар каго з Радзівілаў зацвердзілі турнір па коннаму пола. Экскурсія даступная ўжо з 1 чэрвеня.

Падрыхтавала Марына СЛІЖ.