Осиповчане приняли участие в чемпионате страны по шахматам среди инвалидов

Источник материала:

Розныя старты і фінішы

Напрыканцы жніўня ў сталіцы прайшоў асабісты чэмпіянат краіны сярод інвалідаў, удзел у якім прынялі і двое асіпаўчан — майстар і кандыдат у майстры спорту Віталь Кулакоў і Вячаслаў Смольскі.

7 тураў — дыстанцыя кароткая, а таму дрэннае “ўцягванне ў гульню”— усяго 0,5 ачка ў трох партыях — практычна пазбавіла першага ад барацьбы за чэмпіёнскае званне. Затое другі з 2 перамогамі знаходзіўся ў групе лідараў і рэальна прэтэндаваў на галоўную ўзнагароду.

Але ў заключных 4 гульнях землякі паказалі ледзь не супрацьлеглыя вынікі: Кулакоў перамог ва ўсіх партыях і ўсяго на паўачка (4,5) адстаў ад сярэбранага і бронзавага прызёраў, па дадатковых паказчыках заняў пятае месца і тым самым забяспечыў сабе права вы-ступіць у будучым першынстве без папярэдняга адбору, а Смольскі здолеў дадаць у ачковую скарбонку толькі 2 балы і фінішаваў сёмым (4 ачкі).