Еўрапейскае пытанне

Рашэнне свайго Кабінета Міністраў спадабалася не ўсiм украінцам.

Прыпыненне працэсу падрыхтоўкі падпісання пагаднення аб еўраінтэграцыі ўскалыхнула многіх жыхароў суседняй краіны. Так, з нядзелі на кіеўскім Майдане праходзіць акцыя палі-тычнага пратэсту, якая сабрала больш за 100 тыс. чалавек і перарасла ў хваляванні. Прадстаўнікі ЕС заяўляюць, што гатовы праводзіць двухбаковыя перамовы з Расiяй адносна пытанняў, звязаных з асацыяцыяй паміж Украінай і Еўрасаюзам.

Дырэктар украінскага Інстытута аналізу і менеджменту палітыкі Руслан Бортнік адзначае: гаварыць пра адмову ад падпі-сання пагаднення аб асацыяцыі з ЕС яшчэ рана. А галоўная прычына таго, што Кабмін прыпыніў падрыхтоўку дакументаў, — занадта завышаныя патрабаванні да Украіны.

Разам з тым адмова Кіева ад падпiсання пагаднення парадавала ўкраінскіх бізнесменаў. Яны не раз выказвалі сумненні адносна таго, што падпісанне дакумента можа нанесці непа-праўную шкоду ўкраінскаму бізнесу. Некаторыя краіны Еўропы таксама ўздыхнулі з палёгкай, пазбавіўшыся ад моцнага канкурэнта ў сельскагаспадарчым сектары. Не задаволены прыпыненнем збліжэння Украіны і ЕС толькі апазіцыйныя сілы краіны.