Аляксандр Лукашэнка прыняў са справаздачай Генеральнага пракурора Вiктара Шэймана

Источник материала:

Кiраўнiк дзяржавы праiнфармаваны аб стане законнасцi i правапарадку ў краiне, а таксама аб вынiках работы Пракуратуры за мiнулы тыдзень: па выяўленых злачынствах узбуджаны 172 крымiнальныя справы; у суды накiравана больш як 1347 крымiнальных спраў у дачыненнi да 1614 абвiнавачваемых; у парадку нагляду адменена 468 незаконных i неабгрунтаваных пастаноў аб адмове ва ўзбуджэннi крымiнальных спраў i спыненнi папярэдняга расследавання; унесена ў дзяржаўныя органы 196 прадстаўленняў аб лiквiдацыi парушэнняў заканадаўства, апратэставана 130 незаконных рашэнняў; па патрабаваннях пракурораў у пазасудовым парадку правапарушальнiкамi кампенсавана больш як 148 мiльёнаў рублёў.

Сярод крымiнальных спраў, аб якiх праiнфармаваны прэзiдэнт краiны, крымiнальная справа ў дачыненнi да дырэктара Гомельскага радыёзавода А.П. Кiрыкава, якому прад’яўлена абвiнавачанне ў злоўжываннi службовым становiшчам, якое выявiлася ў заключэннi заведама стратных дагавораў з замежнымi фiрмамi, што пацягнула нанясенне ўрону дзяржаве на суму больш як 160 мiльёнаў рублёў.

Генеральны пракурор далажыў кiраўнiку дзяржавы аб вынiках праверкi выканання законнасцi ў дзейнасцi Дэпартамента фiнансавых расследаванняў Камiтэта дзяржаўнага кантролю. У вынiку пракурорскай праверкi выяўлены iстотныя недахопы ў рабоце гэтага дэпартамента, адсутнасць належнага кантролю за выкананнем заканадаўства пры правядзеннi аператыўна-вышуковых мерапрыемстваў, улiку, рэгiстрацыi i разглядзе заяў i паведамленняў аб злачынствах, расследаваннi крымiнальных спраў.

У сувязi з рэзкiм знiжэннем колькасцi злачынстваў, выяўленых у 2002 годзе органамi фiнансавых расследаванняў, а таксама адсутнасцю сур’ёзных вынiкаў у аператыўна-службовай дзейнасцi кiраўнiк дзяржавы запатрабаваў узмацнiць пракурорскi нагляд за выкананнем законнасцi i павысiць эфектыўнасць iх работы.

Прэзiдэнт запатрабаваў ад Генеральнага пракурора зрабiць больш жорсткiмi меры пракурорскага рэагавання па фактах безадказных адносiнаў кiраўнiкоў арганiзацый i iншых службовых асоб пры ажыццяўленнi фiнансава-гаспадарчай дзейнасцi i прымаць дзейсныя меры па пакрыццю нанесенага дзяржаве ўрону.

Прэс-служба Прэзiдэнта Рэспублiкi Беларусь.