...Гэта трэба жывым

Источник материала:

Сяржант мiлiцыi Анатоль Iванавiч Бурлак 10 лiстапада 1995 года пры нясеннi службы заўважыў грамадзянiна, якi складваў у машыну прадукцыю, выкрадзеную на фанерна-запалкавым камбiнаце. Не раздумваючы, ён кiнуўся да зламыснiка, якi спрабаваў уцячы на аўтамашыне. Мiлiцыянеру ўдалося ўскочыць на падножку набiраючага хуткасць аўтамабiля i пачаць барацьбу. Але лёс распарадзiўся так, што мiлiцыянеру-кiнолагу Навабелiцкага (г. Гомеля) раённага аддзела аховы ўжо не суджана было вярнуцца дадому: атрыманыя ў працэсе затрымання злачынцы траўмы аказалiся смяротнымi. Указам Прэзiдэнта Рэспублiкi Беларусь сяржант мiлiцыi Анатоль Iванавiч Бурлак узнагароджаны медалём «За адвагу». Пасмяротна.

15 мая 1999 года ў 17 гадзiн 25 хвiлiн у складзе групы затрымання Цэнтральнага (г. Мiнска) аддзела аб’яднання «Ахова» выбыў на спрацоўванне сiгналiзацыi кватэры па вулiцы Нямiга ў г. Мiнску прапаршчык мiлiцыi мiлiцыянер-кiнолаг Цэнтральнага раённага аддзела аховы сталiцы Аляксандр Георгiевiч Жыдзiк. Прыбыўшы па ўказанаму адрасу, быў забiты злачынцам стрэлам з пiсталета ва ўпор. За мужнасць i гераiзм, праяўленыя пры выкананнi службовага абавязку, занесены ў Кнiгу гонару аб’яднання «Ахова» пры МУС Рэспублiкi Беларусь. Пасмяротна ўзнагароджаны медалём «За адвагу». У памяць аб загiнуўшым калегу ў Цэнтральным аддзеле аховы сталiцы ўстаноўлена мемарыяльная дошка.

8 сакавiка 2001 года ў 0 гадзiн 30 хвiлiн пры спыненнi крадзяжу з кiёскаў, размешчаных на адной з вулiц сталiцы, быў да смерцi замучаны групай падлеткаў намеснiк начальнiка службы тэхнiчных сродкаў аховы Цэнтральнага аддзела сталiцы падпалкоўнiк мiлiцыi Сяргей Уладзiмiравiч Волкаў.

P.S. Стэла ў памяць загiнуўшых размешчана ўсяго за некалькi метраў ад будынка Галоўнага ўпраўлення Дэпартамента аховы сярод вечназялёнай алеi. Кожную ранiцу яна шчодра залiваецца сонцам, адбiваючыся ў яго промнях серабрыста-залатым агнём, нiбы россып узнагарод, якiя так i не знайшлi пры жыццi сваiх мужных i дастойных герояў.