Главная
Гороскопы
Выйсце са становiшча: падключэнне водаправода да iншай свiдравiны
Сяргей РАСОЛЬКА
«Гарачы» тэлефон «Звязды» 287-17-41 Жыхары вёскi Мiкалаеўшчына Стаўбцоўскага раёна паскардзiлiся ў газету на адсутнасць вады ў водаправодзе. Паводле слоў заяўнiкаў, яе няма з мая, i справа быццам бы ў воданапорнай вежы, якая выйшла са строю.Памянёная воданапорная вежа знаходзiцца на балансе Мiкалаеўшчынскага сельскага Савета i абслугоўвае 80 прыватных падворкаў у гэтай вёсцы, пацвердзiла нам яго старшыня Галiна Ярашэвiч. Аднак вады зусiм не было толькi два з паловай месяцы (са жнiўня да сярэдзiны кастрычнiка) — калi вёўся рамонт абсталявання вежы. Дагэтуль вада была, заўважыла Галiна Аркадзьеўна, хоць, канешне, летам для палiву агародаў яе напору было недастаткова. — Увогуле гэта свiдравiна ўжо выпрацавала свой рэсурс, як патлумачылi нам запрошаныя спецыялiсты, — расказала далей Галiна Ярашэвiч. — Зараз адрамантавалi помпу, пачысцiлi фiльтры, аднак бясконца гэтае абсталяванне ўсё роўна працаваць не можа. Выйсце з сiтуацыi тут бачаць у падключэннi водаправода да iншай бязвежавай свiдравiны, якая знаходзiцца ў пачатку вёскi. Яна дзеючая, але гадоў 15 была закансерваваная. Але тут паўстае новая праблема: дзе ўзяць сродкi? — Толькi геадэзiчныя здымкi каштуюць 6—7 мiльёнаў рублёў. Яны патрэбны, каб можна было заказаць праект, якi ў сваю чаргу будзе каштаваць каля 10 мiльёнаў рублёў. Мiж тым, увесь гадавы даход нашага сельскага Савета складае каля 6 мiльёнаў рублёў, — патлумачыла Галiна Ярашэвiч. — Канешне, у раёне ведаюць пра iснуючую праблему: у лiпенi мы накiроўвалi адпаведныя лiсты мясцовым уладам. Спадзяёмся на падтрымку з раённага бюджэту. А пакуль магу з упэўненасцю сказаць толькi адно: зiмой перабояў з вадой у жыхароў вёскi не павiнна быць...
Чтобы разместить новость на сайте или в блоге скопируйте код:
На вашем ресурсе это будет выглядеть так
Жыхары вёскi Мiкалаеўшчына Стаўбцоўскага раёна паскардзiлiся ў газету на адсутнасць вады ў водаправодзе. Паводле слоў заяўнiкаў, яе няма з мая, i спра |
|