Свiшч на трубаправодзе ў Гродне: сiтуацыя надзвычайная цi штатная?

25.08.2009 21:17 — |

Размер текста:: A; A; A

Источник материала:

Барыс ПРАКОПЧЫК

ПА ЧУТКАХ I НА СПРАВЕ

10 снежня ў вячэрнiх навiнах тэлеканала АНТ прагучала трывожная iнфармацыя аб аварыi на ўчастку цеплатрасы ў Гродне, з якой, маўляў, амаль у паловы гродзенцаў пахаладала ў кватэрах i пачалiся перабоi з гарачай вадой. Ранiцай наступ-нага дняў гродзенскi карпункт «Звязды» патэлефанавалi два нашы чытачы з просьбай удакладнiць, наколькi ж сур’ёзная небяспека пагражае гораду.

— Дык што здарылася i што робiцца для лiквiдацыi аварыi? — цiкавiмся ў дырэктара Гродзенскай ЦЭЦ-2 Аляксандра Сумiча.

— Утварыўся свiшч на трубаправодзе прамой сеткавай вады ў раёне першай магiстралi, — тлумачыць Аляксандр Iванавiч. — Уцечка там невялiкая, нiякай небяспекi свiшч нiкому не ўяўляе, вырашана яго заварыць. Для гэтага на кароткi тэрмiн будуць знiжаны параметры на ЦЭЦ, на некалькi гадзiн знiзiцца тэмпература вады ў батарэях i ўсё.

— Калi ж сiутацыя будзе нармалiзавана?

— Ужо сёння, работа iдзе.

— А цi праўда, што амаль у палове гарадскiх кватэр пахаладала, узнiклi праблемы з гарачай вадой?

— Абсалютна няправiльна. Параметры да рамонту нiхто не знiжаў, ЦЭЦ як трымала тэмпературны рэжым згодна з графiкам, так i трымае. Скаргаў ад людзей не было. Увогуле гэта не надзвычайная, а штатная сiтуацыя.

Пагутарылi мы i з намеснiкам галоўнага iнжынера прадпрыемства «Гроднаэнерга» Вiктарам Мiкулiчам. Па яго словах трубе, дзе ўтварыўся свiшч, ужо 12 гадоў, калiсьцi быў дэфект мантажу, якi i вылез наверх. Заварыць яго — гадзiна працы. Аднак для рамонту патрэбна было адпаведнае, не надта халоднае надвор’е. Учора ранiцай, калi тэмпература паветра павысiлася да мiнус сямi градусаў, рамонтнiкi ўзялiся за справу.