Паведамленне прэс-службы Прэзiдэнта

Источник материала:

У мэтах павышэння знешнегандлёвага абароту нашай рэспублiкi кiраўнiк дзяржавы патрабаваў правесцi работу па спрашчэнню мытнай працэдуры. У блiжэйшы час ДМК падрыхтуе шэраг адпаведных дакументаў, якiя дазволяць значна паскорыць праходжанне мытных працэдур. У гэтай сувязi Камiтэт плануе ажыццявiць эксперымент, разлiчаны на шэсць месяцаў, па спрошчанаму мытнаму афармленню з удзелам 100—150 прадпрыемстваў рэспублiкi, якiя зарэкамендавалi сябе як добрасумленныя агенты знешнеэканамiчнай дзейнасцi.

Прэзiдэнт даручыў Мiнiстэрству фiнансаў прадугледзець, пачынаючы з 2004 года, мэтавае фiнансаванне будаўнiцтва сумеснай iнтэграванай тэлекамунiкацыйнай сеткi. Праект стане сумеснай распрацоўкай Дзяржаўнага мытнага камiтэта, Дзяржаўнага камiтэта пагранiчных войскаў i Мiнiстэрства сувязi.

Будзе прадоўжана тэхнiчнае аснашчэнне мытных органаў.

Аляксандр Лукашэнка ўказаў на неабходнасць павышэння эфектыўнасцi рэалiзацыi накiраванай у даход дзяржавы маёмасцi, затрыманай па справах аб мытных правапарушэннях.

Заслухаўшы iнфармацыю Старшынi Дзяржаўнага мытнага камiтэта, якая датычыцца ТАА «Мiндаўг», Прэзiдэнт Рэспублiкi Беларусь з улiкам iнтарэсаў працоўнага калектыву i сацыяльнай значнасцi паслуг па перавозцы насельнiцтва, якiя прадастаўляе гэта прадпрыемства, прыняў рашэнне аб адтэрмiноўцы спагнання з прадпрыемства ўзнiкшай мытнай запазычанасцi.

Кiраўнiк дзяржавы запатрабаваў узмацнiць барацьбу са службовымi правапарушэннямi, бюракратызмам i валакiтай, прадоўжыць работу па стварэнню спрыяльных умоў для развiцця знешнеэканамiчнай дзейнасцi.