Главная
Гороскопы
Адчуй сябе выратавальнiкам
Iнга МIНДАЛЁВА
За мiнулы год у Ганцавiцкiм раёне непаўналетнiмi было ўчыненанена 25 злачынстваў. За 10 месяцаў гэтага года iх колькасць зменшылася да 13-цi. На канец верасня 2004 года за правапарушэннi работнiкамi мiлiцыi было затрымана 59 ганцавiцкiх падлеткаў, сёлета за аналагiчны перыяд — 49. За распiццём алкагольных напояў за 9 месяцаў гэтага года папалiся 27 непаўналетнiх (год таму колькасць юных аматараў моцных напояў за такi ж перыяд склала 40 чалавек).
Не апошнюю ролю ў вiдавочным змяншэннi колькасцi правапарушэнняў i злачынстваў, учыняемых непаўналетнiмi ў раёне, iграюць планавыя прафiлактычныя мерапрыемствы, якiя праводзяцца мясцовым аддзелам па рабоце з моладдзю сумесна з iнспекцыяй па справах непаўналетнiх. На старонках «Звязды» мы неаднаразова расказвалi пра гэтыя акцыi. Чарговая з iх — «Рабi выбар — дзейнiчай сам» адбылася зусiм нядаўна. Як заўсёды, галоўнымi героямi мерапрыемства сталi «цяжкiя» падлеткi з трох ганцавiцкiх агульнаадукацыйных школ, дапаможнай школы-iнтэрната i мясцовай гiмназii. Акцыя праводзiлася ў два этапы i расцягнулася на два днi. Першы этап прайшоў на базе раённага аддзела па надзвычайных сiтуацыях i складаўся з экскурсii i паказальных выступленняў членаў гуртка юных выратавальнiкаў i пажарных «Праметэй». Цiкава, што год таму супрацоўнiкi вышэйпамянёнага аддзела ўзялi шэфства над самым «цяжкiм» — 8 класам Ганцавiцкай СШ №1 (з часам гэты клас i аб`яднаўся ў «Праметэй»). Выратавальнiкi заахвоцiлi падлеткаў займацца спортам, вучыцца зладжана працаваць у надзвычайных сiтуацыях, атрымлiваць элементарныя ўменнi па выратаваннi людзей. Усё гэта iх падапечныя з бляскам прадэманстравалi падчас паказальных выступленняў перад сваiмi равеснiкамi. Пасля паспрабаваць сябе ў ролi выратавальнiкаў «праметэеўцы» прапанавалi ўсiм гасцям. Другi этап акцыi прайшоў у раённым Цэнтры дзiцячай i юнацкай творчасцi, дзе члены мясцовага турыстычнага гуртка далi гасцям магчымасць адчуць сябе сапраўднымi вандроўнiкамi i адолець спецыяльна падрыхтаваную турыстычную паласу перашкод. А завяршылася мерапрыемства турнiрам па шашках сярод прысутных школьнiкаў. — Падлеткам абавязкова патрэбна ўвага з боку дарослых, — казаў нашаму карэспандэнту начальнiк аддзела па рабоце з моладдзю Ганцавiцкага райвыканкама Андрэй Лынша. — Iх трэба чымсьцi заняць, даць магчымасць праявiць сябе, растрацiць кiпучую энергiю. Мы праводзiм нашы прафiлактычныя акцыi рэгулярна i можам з упэўненасцю адзначыць, што iх непаўналетнiя ўдзельнiкi ў хуткiм часе выпраўляюць свае паводзiны, а гэта натуральна, станоўча ўплывае на ўзровень падлеткавай злачыннасцi.
Чтобы разместить новость на сайте или в блоге скопируйте код:
На вашем ресурсе это будет выглядеть так
За мiнулы год у Ганцавiцкiм раёне непаўналетнiмi было ўчыненанена 25 злачынстваў. За 10 месяцаў гэтага года iх колькасць зменшылася да 13-цi |
|