Iнтарэсы прадпрымальнiкаў улiчаны

Источник материала:

Апошнiм часам, быццам той снежны камяк, нарастала напружанасць сярод значнай часткi прыватных прадпрымальнiкаў. Прычынай таму былi новыя правiлы рознiчнага гандлю парфумай i бытавой хiмiяй.

Гэта прадукцыя трапляла пад д экрэт прэзiдэнта №11 «Аб удасканаленнi дзяржаўнага рэгулявання вытворчасцi, абароту i рэкламы алкагольнай, нехарчовай спiртазмяшчальнай прадукцыi i нехарчовага этылавага спiрту». Такiм чынам, з 16 снежня гандляваць вышэйназ-ванымi таварамi маглi толькi юрыдычныя асобы. Прадпрымальнiкi павiнны былi тэрмiнова ўнесцi змяненнi ў лiцэнзii на рознiчны гандаль. Калi ўлiчыць, што большая частка парфумерна-касметычных сродкаў (68 працэнтаў) i тавараў бытавой хiмii (72 працэнты) сёння ў рознiчным гандлi рэалiзуецца iндывiдуальнымi прадпрымальнiкамi, сiтуацыя сапраўды выглядала крытычнай. Адных толькi бланкаў гэтых лiцэнзiй выканкамам трэба было падрыхтаваць каля 100 тысяч!

Кiраўнiк дзяржавы сваiм дэкрэтам выправiў пралiк урада. Згодна з дакументам, на перыяд да 1 студзеня 2007 года захоўваюцца дзеючыя ў цяперашнi час правiлы рознiчнага гандлю i iмпарту парфумерна-касметычных сродкаў i тавараў бытавой хiмii.

Акрамя таго, дэкрэт замацоўвае паўнамоцтвы Мiнiстэрства гандлю на выдачу лiцэнзiй на iмпарт алкагольнай, нехарчовай спiртазмяш-чальнай прадукцыi i нехарчовага этылавага спiрту.