Святочнае пасланне

Источник материала:

Сардэчна вiншуем вас з вялiкiм святам Нараджэння Хрыстовага i Новым 2006 годам!

Мы перакананыя, што прыход Хрыста ў наш свет мае вялiкае значэнне. Цяжка сабе ўявiць, якiм быў бы наш свет без таго пазiтыўнага ўплыву, якi аказаў i працягвае аказваць Хрыстос на развiццё нашай цывiлiзацыi. Куды б нi трапляла святло Хрыстовага вучэння, яно прыносiць з сабой дабрыню i любоў, мiр i справядлiвасць. Хрыстос абвясцiў роўнасць мужчыны i жанчыны перад Богам, што радыкальна палепшыла становiшча жанчыны ў хрысцiянскiх краiнах. Паважлiвае стаўленне да пажылых людзей — гэта таксама ўплыў Хрыста на свет.

Дзе з’яўлялiся сведкi Хрыста — туды прыходзiла асвета. Паслядоўнiкi Iсуса Хрыста будавалi прытулкi i бальнiцы для бедных, хворых i сiрот.

Але самае галоўнае дасягненне Хрыста, на наш погляд, — гэта дараванне выратавання асобнаму чалавеку. Кожны чалавек праз веру ў Хрыста можа вырашыць сваю праблему мiнулага: пазбавiцца ад чування вiны за грахi, прымiрыўшыся са сваiм Творцам, з самiм сабою i са сваiмi блiзкiмi. Праз веру ў Хрыста чалавек можа вырашыць праблему цяперашняга часу: знайсцi сэнс жыцця ў тым, каб служыць Богу i блiзкiм. I нарэшце, кожны чалавек праз веру ў Хрыста можа вырашыць праблему сваёй будучынi — атрымаць упэўненасць ва ўваскрэсеннi для жыцця ў Царстве Божым. Бо народжаны ў Вiфлееме Хрыстос перамог смерць i адчынiў дзверы ў Царства Божае.

У гэтыя днi Раства мы зычым усiм нашым землякам знайсцi жывую веру ў Iсуса Хрыста: падобна таму, як Хрыстос нарадзiўся ў яслях Вiфлеема, няхай Ён народзiцца ў сэрцах тых, хто яшчэ не перажыў цудоўнай сустрэчы з Жывым Богам.

Шчаслiвага Вам Раства i дабраславення ў Новым 2006 годзе!

З любоўю да ўсiх Вас, Епiскап цэркваў евангельскiх хрысцiян баптыстаў у Рэспублiцы Беларусь Мiкалай СIНКАВЕЦ.