Главная
Гороскопы
Дублiкат пасведчання замест страчанага выдаецца праз месячны тэрмiн
Сяргей РАСОЛЬКА
«Гарачы» тэлефон «Звязды» 287-17-41 У лiстападзе ў iнвалiда II групы з Ганцавiч здарылася няшчасце: на кiрмашы ў яе скралi кашалёк, у якiм знаходзiлася i пасведчанне iнвалiда. Давялося жанчыне даваць у мясцовай прэсе адпаведную аб’яву i ўжо з ёй звяртацца ў мiжраённую Баранавiцкую МРЭК за дублiкатам пасведчання. А там, сцвярджала заяўнiца, у яго выдачы ёй адмовiлi, маўляў, iснуе адпаведны загад мiнiстэрства: з 1 снежня дублiкаты не выдаваць, а толькi даведку. Даведку жанчыне i выдалi, папярэдзiўшы, што права на бясплатны праезд па раёну яна не дае. Таму, калi ўзнiкла праблема, чытачцы давялося плацiць за бiлет. Вось з такой праблемай яна i патэлефанавала на «гарачую лiнiю» нашай газеты.Начальнiк аддзела медыцынскiх экспертыз i рэабiлiтацыi Мiнiстэрства аховы здароўя Ганна Лукiна, пачуўшы ад нас «навiну» аб быццам бы iснаваннi нейкага загада, якiм забараняецца выдача дублiкатаў пасведчанняў iнвалiдаў, адразу катэгарычна абвергла гэтыя чуткi. Далей мы мусiлi разбiрацца ў справе заяўнiцы больш дэталёва. У прыватнасцi, дапамагла нам у гэтым галоўны ўрач абласной МРЭК г. Брэста Наталля Рудак, якая ў сваю чаргу звязвалася са старшынёй Баранавiцкай МРЭК Алай Касянковай. Дзякуючы намаганням гэтых спецыялiстаў нам вельмi аператыўна паведамiлi наступнае. Сапраўды, пры страце пасведчання трэба даваць адпаведную аб’яву ў сродкi масавай iнфармацыi. I чакаць месяц. Як паказвае практыка, за гэты тэрмiн у многiх выпадках страчаныя (згубленыя, скрадзеныя) пасведчаннi грамадзяне або падкiдваюць, або дасылаюць па пошце цi самiм уладальнiкам, цi ў МРЭК. Пасля заканчэння месячнага тэрмiну чалавеку (калi яго пасведчанне не знайшлося) выдаецца дублiкат. Даведка ж выдаецца iнвалiдам для прадстаўлення ў розныя ўстановы: для атрымання пенсii, iльготных лекаў, аплаты жыллёва-камунальных паслуг. Сапраўды, зазначылi нам, часам могуць узнiкаць праблемы з транспартнiкамi, якiя могуць адмовiць у прадастаўленнi льготы без адпаведнага пасведчання. Такiм чынам, наша заяўнiца ў хуткiм часе павiнна была атрымаць дублiкат пасведчання i без старонняга ўмяшання. Аднак, улiчваючы яе зварот на «гарачую лiнiю», выдаць памянёны дублiкат Баранавiцкая МРЭК гатова ў самы блiжэйшы час. Для гэтага нашай чытачцы трэба выслаць цi адвесцi туды ўласнае фота.
Чтобы разместить новость на сайте или в блоге скопируйте код:
На вашем ресурсе это будет выглядеть так
У лiстападзе ў iнвалiда II групы з Ганцавiч здарылася няшчасце: на кiрмашы ў яе скралi кашалёк, у якiм знаходзiлася i пасведчанне iнвалiда
|
|