Блiжэй да выхадных маразы iстотна паслабеюць
Сяргей КУРКАЧ
Як паведамiла карэспандэнту «Звязды» начальнiк аддзела метэаралагiчных прагнозаў Рэспублiканскага гiдраметцэнтра Валянцiна Скрабец, у апошнiя 4 днi фон сярэднясутачнай тэмпературы трымаўся ў межах мiнус 22—28 градусаў, што было на 15—20 градусаў нiжэй клiматычнай нормы.
Эксперты паведамляюць, што пасля зiмы 1987 года такiх працяглых халадоў раней яшчэ не было. А вось на гэтым тыднi надвор’е пачне мяняцца. Такiм чынам, з пачатку тыдня на поўначы Еўропы зноў пачне актывiзавацца цыкланiчная дзейнасць, i мяккiя вiльготныя цыклоны пачнуць выцiскаць вельмi халоднае паветра на паўднёвы ўсход. Пачынаючы з 25 студзеня з паўночных раёнаў краiны «стартане» паступовае паслабленне маразоў. Чакаецца, што блiжэй да выхадных сярэдняя тэмпература паветра ўначы па рэспублiцы будзе ў межах 10—16 градусаў марозу, а ўдзень — мiнус 7—13 градусаў. 25—26 студзеня на поўначы краiны, а потым месцамi па рэспублiцы пройдзе снег, слабая мяцелiца. Вецер пачне мяняцца з паўночнага на паўднёва-заходнi i заходнi ўмераны. Да канца тыдня маразы iстотна паслабеюць на ўсёй тэрыторыi краiны. Разам з тым, маскоўскiя сiнаптычныя Iнтэрнэт-парталы ўжо ў нядзелю прадказваюць завiтанне ў наш бок другой моцнай хвалi арктычнага холаду. Магчыма, да тэрыторыi нашай краiны паўторныя арктычныя маразы не даляцяць...
Чтобы разместить новость на сайте или в блоге скопируйте код:
На вашем ресурсе это будет выглядеть так
Эксперты паведамляюць, што пасля зiмы 1987 года такiх працяглых халадоў раней яшчэ не было. А вось на гэтым тыднi надвор’е пачне мяняцца
|
|