Эскалатараў будзе чатыры
Дзмiтрый АЛЬФЕР
Навiны сталiцы Мiнскi метрапалiтэн плануе павялiчыць колькасць эскалатараў на пераходзе памiж станцыямi метро «Кастрычнiцкая» i «Купалаўская» — з трох да чатырох. Гэта дазволiць абслугоўваць значна большую колькасць пасажыраў.— Ленты эскалатараў стануць вузейшымi. Таму з’яўленне дадатковай механiчнай лесвiцы патрабуе перабудовы. Затое прапускная здольнасць пасля пачатку працы новых эскалатараў дазволiць вырашыць праблему вялiкага натоўпу наведвальнiкаў метро, — тлумачыць дырэктар унiтарнага прадпрыемства «Дырэкцыя па будаўнiцтву Мiнскага метрапалiтэна» Сяргей Мярцалаў. Зараз за адну гадзiну пераход «Купалаўская» — «Кастрычнiцкая» абслугоўвае каля 8 тысяч чалавек, а гэтага недастаткова. Плануецца, што пасля ўвядзення эскалатараў цэнтральныя станцыi змогуць прыняць пасажыраў амаль на 25 працэнтаў больш. Як паведамiў Сяргей Мярцалаў, зараз метрапалiтэн шукае вытворцаў новых эскалатараў. Магчыма, гэта будзе адно з трох прадпрыемстваў з Украiны, Расii або Беларусi. Галоўнае, каб тэхнiчныя характарыстыкi лесвiц суадносiлiся з патрабаваннямi да эксплуатацыi сталiчнага метро. Плануецца, што замена лесвiц пачнецца ў другой палове гэтага года. «ВОСТРАЎ БЯСПЕКI» — БОЛЬШ НАДЗЕЙНЫ На магiстралях сталiцы з’явяцца новыя астраўкi бяспекi. З 1 верасня яны будуць узвышацца над дарогай. Iдэя з’яўлення гэтых не намаляваных фарбай, а пабудаваных аб’ектаў дарожнага руху для пешаходаў пачала ажыццяўляцца i раней. Зараз жа на ўсiх дарогах, дзе больш за чатыры паласы руху ў абодвух накiрунках, а таксама на рэгуляваных пешаходных пераходах новыя астраўкi будуць стаяць абавязкова. У месцах правядзення святаў, дэманстрацый вайсковай i iншай тэхнiкi (напрыклад, на праспектах Незалежнасцi i Пераможцаў), яны будуць мецiцца як i раней — фарбай. — На рэгуляваных пераходах пабудова новых астраўкоў — карысная справа для бяспекi пешаходаў, — каментуе старшы iнспектар па агiтацыi i прапагандзе аддзела ДАI Ленiнскага раёна, старшы лейтэнант Юрый Красноў. — Вадзiцелi будуць панiжаць хуткасць i абавязкова аб’язджаць узвышэннi.
Чтобы разместить новость на сайте или в блоге скопируйте код:
На вашем ресурсе это будет выглядеть так
Мiнскi метрапалiтэн плануе павялiчыць колькасць эскалатараў на пераходзе памiж станцыямi метро «Кастрычнiцкая» i «Купалаўская» — з трох да чатырох. Гэ
|
|