Краiна мерзне. Школьнiкi — адпачываюць...
Надзея НIКАЛАЕВА
У панядзелак вымушаныя канiкулы працягвалiся ў беларускiх школьнiкаў практычна па ўсёй тэрыторыi краiны. Аднак, як запэўнiў нашу газету намеснiк мiнiстра адукацыi Рэспублiкi Беларусь Казiмiр Фарыно, дзверы навучальных устаноў для школьнiкаў не зачынялiся. Усе настаўнiкi знаходзiлiся на працоўных месцах, таму бацькi мелi магчымасць прывесцi сваё дзiця ў школу i пакiнуць яго там пад наглядам педагогаў. Дашкольныя дзiцячыя ўстановы, дарэчы, працягвалi працаваць у звычайным рэжыме.
Цi адновiцца вучэбна-выхаваўчы працэс у беларускiх школах у аўторак, будуць вырашаць мясцовыя ўлады. Паводле слоў Казiмiра Фарыно, 24 студзеня рознiца ў тэмпературным фоне ў розных рэгiёнах Беларусi будзе вагацца ў межах 6—7 градусаў па Цэльсiю, таму не выключана, што ў многiх навучальных установах пазапланавыя канiкулы, асаблiва для старшакласнiкаў, могуць завяршыцца. У найбольшай ступенi ад халадоў церпяць, безумоўна, сельскiя школьнiкi. У тым выпадку, калi на 7 гадзiн ранiцы тэмпература дасягае мiнус 25 градусаў, вучнi першых—шостых класаў сельскiх школ могуць са спакойнай душой заставацца дома, — запэўнiў нашу газету Казiмiр Фарыно. Сёння для папярэджання пазаштатных сiтуацый у будынках i кацельнях навучальных устаноў арганiзаваныя кругласутачныя дзяжурствы.
Чтобы разместить новость на сайте или в блоге скопируйте код:
На вашем ресурсе это будет выглядеть так
У панядзелак вымушаныя канiкулы працягвалiся ў беларускiх школьнiкаў практычна па ўсёй тэрыторыi краiны
|
|