Абменны пункт «бралi» юнакi...

Источник материала:

Як ужо паведамляла «Звязда», узброеныя налётчыкi змаглi звязаць касiра абменнага пункта i завалодаць iнкасатарскай сумкай з 12,7 мiльёна рублёў, пасля чаго знiклi. Супрацоўнiкi мiлiцыi прынялi адпаведныя меры, каб затрымаць крымiнальнiкаў. У прыватнасцi, як паведамiў начальнiк аддзела iнфармацыi i грамадскiх сувязяў ГУУС Мiнгарвыканкама Алег Слепчанка, былi блакiраваны выезды з горада i iншыя шляхi адыходу злачынцаў... У ходзе аператыўна-пошукавых мерапрыемстваў быў устаноўлены магчымы падазраваемы ў нападзе на «абменнiк», а таксама аўтамашыны, на якiх ён мог рухацца. У Мiнску i Мiнскай вобласцi былi ўведзены спецаперацыi па затрыманню аўтамашын «Лянча-Дэдра» i «Мазда-626», правяралiся шматлiкiя сувязi мяркуемага злачынцы... I намаганнi аператыўнiкаў прынеслi плён: супрацоўнiкамі крымiнальнага вышуку Цэнтральнага РУУС, ГУУС, МУС, а таксама галоўнага ўпраўлення па барацьбе з арганiзаванай злачыннасцю i карупцыяй МУС сумесна з калегамi па гораду Мiнску i Мiнскай вобласцi было ўстаноўлена, што абрабаванне ўчынiлi двое 19-гадовых жыхароў Мiнскага раёна, а таксама 18-гадовы жыхар сталiцы. Усе яны затрыманы.