Пажар у Мiнску тушылi некалькi гадзiн
Iгар ГРЫШЫН
У панядзелак з шасцi гадзiн вечара ў Мiнску на вулiцы Захарава агняборцам прыйшлося на працягу некалькiх гадзiн змагацца з агнём: полымя вырывалася з мансарды будынка, дзе размяшчаецца Мiнскае гарадское ўпраўленне статыстыкi, а на другiм паверсе — офiс радыёстанцыi «Радыус-FM».
Як паведамiлi ў Мiнскiм гарадскiм упраўленнi МНС, пажар разгарэўся на чацвёртым мансардным паверсе, iснавала рэальная пагроза, што агонь распаўсюдзiцца на ўвесь будынак. Выратавальнiкам прыходзiлася працаваць на вышынi 12 метраў, на месцы здарэння знаходзiлася больш за 15 аварыйна-выратавальных разлiкаў Мiнскага гарнiзона МНС. Прычым ва ўмовах моцнага задымлення агняборцы працавалi ў апаратах аховы органаў дыхання, таму апошнiя прыходзiлася неаднаразова запраўляць паветрам i адаграваць абледзянелае адзенне. Нават пасля поўнай лiквiдацыi пажару выратавальнiкамi праводзiлiся работы на месцы здарэння да ранiцы. На шчасце, у вынiку гэтага пажару нiхто не пацярпеў. Паводле папярэдняй iнфармацыi, прычынай узгарання стала кароткае замыканне.
Чтобы разместить новость на сайте или в блоге скопируйте код:
На вашем ресурсе это будет выглядеть так
У панядзелак з шасцi гадзiн вечара ў Мiнску на вулiцы Захарава агняборцам прыйшлося на працягу некалькiх гадзiн змагацца з агнём
|
|