Беларускія СМі і кнігавыданне: галоўнае — якасныя крытэрыі

Источник материала:

Гаворачы пра друкаваныя СМI, Уладзiмiр Русакевiч адзначыў, што дзякуючы намаганням творчых калектываў «летась было забяспечана безумоўнае дамiнаванне дзяржаўных газет i часопiсаў у iнфармацыйнай прасторы краiны». Паводле слоў мiнiстра, зараз назiраецца рост разавага тыражу дзяржаўных абласных, гарадскiх i раённых газет. У студзенi сёлета ён павялiчыўся на 4,6 працэнта ў параўнаннi з леташнiм. Агульны падпiсны тыраж гэтых газет павялiчыўся на 3,5 працэнта.

Сярод мiнулагоднiх iнiцыятыў Мiнiстэрства iнфармацыi Уладзiмiр Русакевiч вылучыў Першы Нацыянальны конкурс друкаваных СМI «Залатая лiтара». «Гэтая iнiцыятыва была адобрана ў журналiсцкiх колах i сёлета конкурс будзе праводзiцца зноў». Таксама мiнiстр назваў удалым праект па выданню часопiса «Беларусь» на шасцi замежных мовах.

Сённяшнiя прыярытэты ў галiне электронных СМI, паводле слоў Уладзiмiра Русакевiча, гэта павелiчэнне перадач уласнай вытворчасцi, скарачэнне рэтранслюемых замежных тэле- i радыёпраграм, развiццё спадарожнiкавага тэлебачання, а таксама лiчбавага тэле- i радыёвяшчання.

Што да спадарожнiкавага тэлебачання, то з 1 лютага 2005 года пачалася рэгулярная трансляцыя тэлеканала «Беларусь-ТБ». «Справа гэта для нас новая, тут iснуе шмат недахопаў. Аднак разам з кiраўнiцтвам Нацыянальнай тэлерадыёкампанii i канала «Беларусь-ТБ», а таксама з МЗС мы робiм захады, каб уплыў тэлеканала пастаянна ўзмацняўся». Мiнiстр адзначыў таксама, што сёння пашыраюць уласнае вяшчанне рэгiянальныя тэлекампанii.

У краiне зараз ажыццяўляюць вяшчанне 30 FM-радыёстанцый, з iх 15 — у Мiнску. «Iнфармацыйная прастора FM вяшчання насычана дастаткова. Таму вельмi патрабавальна спецыяльная камiсiя падыходзiць да жадаючых арганiзаваць дадатковае вяшчанне».

Гаворачы пра кнiгавыданне, Уладзiмiр Русакевiч адзначыў, што ў мiнулым годзе было выдадзена каля 11 тыс. найменняў кнiжнай прадукцыi агульным тыражом 40 млн экзэмпляраў. «Значнае месца займае выданне лiтаратуры на беларускай мове. Гэты напрамак падтрымлiваецца дзяржавай фiнансава. I стаiць задача, каб выданне лiтаратуры на беларускай мове пастаянна павялiчвалася».

Сёння, паводле слоў мiнiстра, iснуюць вялiкiя праблемы з арганiзацыяй дзяржаўнага кнiжнага гандлю. «Мы працуем, каб павялiчыць кнiгагандлёвую сетку. Бо зараз у рэспублiцы налiчваецца ўсяго 86 магазiнаў дзяржаўнай сiстэмы... У нас проста гандляваць няма дзе!»

Першы намеснiк начальнiка Галоўнага ўпраўлення — начальнiк упраўлення па каардынацыi iдэалагiчнай работы Адмiнiстрацыi Прэзiдэнта Беларусi Аляксандр Слабадчук падкрэслiў у сваiм выступленнi, што сёння кiраўнiцтвам краiны надаецца надзвычай вялiкая ўвага СМI. «Прэзiдэнт Беларусi адзначыў, што ў iншых краiнах постсавецкай прасторы працэс дзяржаўнага рэгулявання ў галiне iнфармацыйнай палiтыкi ўпушчаны. У нас дзяржава кантралюе iнфармацыйнае поле ў краiне. Гэта нягледзячы на ўсе праграмныя тэхналогii, якiя распрацоўваюцца Захадам».

Паводле слоў намеснiка прэм’ер-мiнiстра Беларусi Аляксандра Косiнца, у Беларусi створана шмат айчынных тэлеканалаў, i цяпер патрабуецца павышэнне якасцi iх прадукцыi.

Гаворачы пра кнiгавыданне, намеснiк прэм’ер-мiнiстра адзначыў, што сёння iснуюць вялiкiя запасы кнiжнай прадукцыi на складах. Каб гэтага не было, выдавецтвам i палiграфiчным прадпрыемствам трэба ажыццяўляць выданне прадукцыi дакладна ў адпаведнасцi з попытам. Неабходна праводзiць маркетынгавыя даследаваннi.

Аляксандр Косiнец сказаў таксама, што зараз трэба больш намаганняў прыкладаць па прасоўванню беларускiх кнiг i перыядычных выданняў за мяжой, у тым лiку сярод беларускай дыяспары. «Трэба працаваць з беларусамi далёкага замежжа. Iх больш за 3 мiльёны... i яны цiкавяцца тым, што адбываецца ў роднай Беларусi».