«РусНафта» гатова павялiчыць пастаўкi на Беларусь

Источник материала:

Прэзiдэнт падкрэслiў, што ў Беларусi высока ацэньваюць дзелавыя якасцi кiраўнiка «РусНафты», якога ведаюць па супрацоўнiцтву з нашай краiнай на яго ранейшых пасадах.

Аляксандр Лукашэнка адзначыў, што на сённяшняй сустрэчы будуць абмеркаваны канкрэтныя перспектывы супрацоўнiцтва Беларусi з «РусНафтай». Асаблiва ў частцы мадэрнiзацыi нашых нафтаперапрацоўчых вытворчасцяў, а таксама нафтахiмiчнай вытворчасцi на базе «Палiмiра».

«Мы падышлi да вырашэння некаторых канкрэтных праектаў», — сказаў прэзiдэнт. У прыватнасцi, размова пойдзе аб удзеле кампанii «РусНафта» ў будаўнiцтве злiўна-налiўной эстакады магутнасцю да 3 млн тон нафты ў год.

Нафтавая кампанiя «РусНафтахiм» мае намер удзельнiчаць у мадэрнiзацыi «Палiмiра». Кiраўнiк ААТ НК «РусНафта» Мiхаiл Гуцэрыеў сёння ў час сустрэчы з Аляксандрам Лукашэнкам назваў цiкавым i эфектыўным праект па мадэрнiзацыi гэтага беларускага прадпрыемства.

Мiхаiл Гуцэрыеў лiчыць, што рэалiзацыю праекта неабходна падзялiць на 4-5 этапаў. Ён адзначыў, што кампанiя гатова выдзелiць на гэтыя мэты ўласныя сродкi з прыбытку, а таксама выкарыстаць крэдытныя рэсурсы.

Кiраўнiк «РусНафты» заявiў аб гатоўнасцi павялiчыць пастаўкi на беларускiя нафтаперапрацоўчыя прадпрыемствы да 5 млн тон нафты. «Плюс да трубы вы заўсёды можаце разлiчваць дадаткова на 5 млн тон нафты. Для гэтага не трэба нiякiх графiкаў», — падкрэслiў кiраўнiк нафтавай кампанii, маючы на ўвазе пастаўкi нафты чыгуначным транспартам з тэрмiнала, пабудаванага ў Бранскай вобласцi.

Мiхаiл Гуцэрыеў расказаў, што да канца 2006 года «РусНафта» павялiчыць здабычу нафты з улiкам асваення новых радовiшчаў да 24—25 млн тон.

Паводле паведамленняў прэс-службы Прэзiдэнта Рэспублiкi Беларусь.