Прэстыж расце

Источник материала:

Палкоўнiк запасу, першы намеснiк старшынi БСА Георгiй Атаманаў адзначыў, што ў нашай краiне значна палепшылася становiшча ваеннаслужачых i стаўленне грамадзян да людзей у ваеннай форме:

— Армiя па сваiм аўтарытэце зараз знаходзiцца на другiм месцы. Служба зноў становiцца гонарам: прызываецца толькi кожны трэцi з тых, хто можа пайсцi ў армiю. Узброеныя Сiлы сёння — гэта 65 тысяч асабiстага саставу, з якiх 15 тысяч — грамадзянскi персанал. Мадэрнiзуецца ваенная тэхнiка, развiваецца тэрытарыяльная абарона. У параўнаннi з 2001—2005 гадамi колькасць злачынстваў ва Узброеных Сiлах Беларусi зменшылася больш чым у два разы.

Георгiй Пятровiч прыгадаў ранейшае:.

— У 1994-м у эквiваленце камандзiр узвода атрымлiваў 22 долары, а камандзiр палка — 35. Зараз лiчбы значна выраслi. Дзякуючы рэфармаванню Узброеных Сiл, створаны неабходныя ўмовы для падтрымання абараназдольнасцi краiны i эфектыўнага выкарыстання ў нацыянальных iнтарэсах патэнцыялу i вопыту афiцэрскага саставу.

Даведка. Беларускi саюз афiцэраў заснаваны 20 верасня 1992 года. БСА — добраахвотнае аб’яднанне афiцэраў i прапаршчыкаў, якiя служаць цi знаходзяцца ў запасе або адстаўцы. У складзе БСА 21 339 членаў, шэсць абласных арганiзацый, а таксама Мiнская гарадская (яна самая масавая — 4763 чалавекi), 124 раённыя, звыш 300 пярвiчных арганiзацый.