Дарагiя суайчыннiкi!

Источник материала:

Сёння можна з гонарам канстатаваць: за мiнулае дзесяцiгоддзе мы стварылi суверэнную дзяржаву i сфармiравалi нацыянальную прававую сiстэму, аснову якой складае Канстытуцыя Рэспублiкi Беларусь.

У 1994 годзе мы сказалi адзiн аднаму: хопiць раскiдваць камянi! Настаў час збiраць iх! Усе гэтыя гады мы працавалi разам, каб зацвердзiць незалежнасць роднай Беларусi. I мы пабудавалi надзейны дом, здольны абаранiць усiх, хто ў iм жыве.

З прыняццем Асноўнага Закона ў Беларусi з’явiлiся важнейшыя ўмовы для фармiравання сапраўды народнай дзяржавы, у якой кожны грамадзянiн адчувае сябе запатрабаваным, абароненым, зацiкаўленым у сумленнай працы ў iмя ўласнага дастатку i дабрабыту сваiх дзяцей.

Канстытуцыя Рэспублiкi Беларусь адлюстравала спрадвечнае iмкненне беларусаў жыць у свабодным i справядлiвым грамадстве, стала надзейнай прававой асновай для правядзення ў краiне паспяховых сацыяльна-эканамiчных пераўтварэнняў.

Беларусь дынамiчна развiваецца i, разам з магутным эканамiчным ростам, у нашай краiне дасягнута высокая ступень сацыяльна-палiтычнай стабiльнасцi. Дзякуючы Канстытуцыi ў Рэспублiцы Беларусь дзейнiчае моцная i эфектыўная сiстэма дзяржаўнай улады, якая фармiруецца пры непасрэдным удзеле народа. Закладзены трывалы фундамент грамадскай згоды для мiру i працвiтання Айчыны.

Прынцып сацыяльнай справядлiвасцi, замацаваны ў Асноўным Законе, паслядоўна рэалiзуецца ў практычнай дзейнасцi ўсiх уладных структур. Няўхiльна павышаецца дабрабыт грамадзян, расце iх упэўненасць у заўтрашнiм днi. Створаны неабходны задзел для пераходу грамадства да новай якасцi жыцця.

Перакананы, што сумеснымi стваральнымi намаганнямi мы абавязкова дасягнем намечаных рубяжоў i зробiм нашу Беларусь моцнай i працвiтаючай дзяржавай.

Шчыра жадаю ўсiм здароўя, дабра, шчасця i працоўных поспехаў.

Прэзiдэнт Рэспублiкi Беларусь Аляксандр ЛУКАШЭНКА.