«Сямейны доктар» супраць чэргаў

Источник материала:

ДОБРАЯ НАВIНА

Як тлумачыць галоўны ўрач Мiнскага раённага тэрытарыяльна-медыцынскага аб’яднання Ганна Лявiцкая, новая дзейнасць прыносiць станоўчыя вынiкi:

— Пачалi знiкаць чэргi ў палiклiнiках. Летась колькасць зваротаў да вузкiх спецыялiстаў скарацiлася ўтрая, таму што частку iх працы выконваюць дактары мясцовых сельскiх медыцынскiх устаноў. Урачам вузкага профiлю застаецца больш часу для аказання дапамогi пацыентам з сур’ёзнымi захворваннямi. Колькасць нятанных выклiкаў машын хуткай дапамогi знiзiлася ў 1,5 раза.

Аднак новаўвядзенне патрабуе рамонту i пераабсталявання медыцынскiх будынкаў i кабiнетаў. У мiнулым годзе каля дзесятка амбулаторый Мiнс-кага раёна атрымалi сучаснае абсталяванне для вузкаспецыялiзаваных даследаванняў — глюкометры, тэст-палоскi, гемаглабiнаметры.

— У бальнiцах Любанi, Старых Дарог, Мядзела i Слуцка з’явiлiся новыя аперацыйныя, апараты штучнай вентыляцыi лёгкiх, абсталяванне для правядзення складаных аперацый. Таксама праведзены рамонт у Мiн- скай абласной бальнiцы, — зазначае галоўны саветнiк старшынi Мiнскага абласнога выканаўчага камiтэта Генадзь Казлоў. — Сёлета плануецца адрамантаваць медыцынскiя ўстановы яшчэ ў 8 раёнах Мiншчыны. У 22 аграгарадках значна палепшылася медыцынскае абслугоўванне насельнiцтва.

Яшчэ адна праблема — дзейнасць ФАПаў, якая выклiкала спрэчкi i розныя меркаваннi, таксама амаль вырашана. Фельчарска-акушэрскiя пункты пераведзены пад кiраванне мясцовых амбулаторый. Зараз урачы амбулаторый будуць прыязджаць у вёску да хворых, а спецыялiсты ФАПАў — сачыць за выкананнем медыцынскiх прызначэнняў.