Заява Пракуратуры Рэспублiкi Беларусь

Источник материала:

Дэмакратыя — гэта найперш забеспячэнне верхавенства Канстытуцыi, законаў, iх няўхiльнае i дакладнае выкананне.

Зыходзячы з гэтага, Пракуратура Рэспублiкi Беларусь ад 13 сакавiка 2006 года ў сваёй заяве папярэдзiла ўсiх удзельнiкаў выбарчага працэсу аб недапушчальнасцi правядзення несанкцыянаваных масавых мерапрыемстваў, аб адказнасцi за парушэнне грамадскага парадку.

Iгнаруючы патрабаваннi Закона «Аб масавых мерапрыемствах у Рэспублiцы Беларусь», грамадзянiн А. Казулiн i грамадзянiн А. Мiлiнкевiч у перыяд з 19 па 24 сакавiка 2006 года арганiзавалi несанкцыянаваныя акцыi сваiх прыхiльнiкаў на Кастрычнiцкай плошчы горада Мiнска.

25 сакавiка 2006 года яны зноў арганiзавалi несанкцыянаванае масавае мерапрыемства ў цэнтры горада Мiнска. Пры прамым падбухторваннi Казулiна i Мiлiнкевiча ўдзельнiкамi несанкцыянаванай акцыi былi ўчынены дзеяннi, накiраваныя на парушэнне грамадскага парадку, звязаныя з перашкодай для нармальнага функцыянавання транспарту i iншых аб’ектаў гарадской гаспадаркi, збiты супрацоўнiкi Белтэлерадыёкампанii.

Грамадзянiн Казулiн заклiкаў удзельнiкаў несанкцыянаванага мiтынгу ў цэнтры сталiцы iсцi да будынка спецыяльнага прыёмнiка-размеркавальнiка на вул. Акрэсцiна для вызвалення правапарушальнiкаў, якiя знаходзiлiся там за ўдзел у несанкцыянаваных мерапрыемствах, узначалiў шэсце часткi мiтынгоўцаў колькасцю да адной тысячы чалавек.

Правахоўныя органы затрымалi калону i прапанавалi спынiць процiпраўныя дзеяннi. Нягледзячы на гэта, група агрэсiўна настроенай моладзi паспрабавала прарваць ланцуг ваеннаслужачых унутраных войскаў, закiдваючы iх камянямi i бутэлькамi. У момант сутыкнення было ўзарвана неўстаноўленае шумавое ўстройства i кiнута некалькi запаленых дымавых шашак. Атрымалi цялесныя пашкоджаннi больш як дзесяць ваеннаслужачых i ўдзельнiкаў беспарадкаў.

У мэтах спынення процiпраўных дзеянняў праваахоўнымi органамi былi прадпрыняты законныя меры па затрыманню парушальнiкаў правапарадку.

Па фактах учынення групавых дзеянняў, якiя груба парушаюць грамадскi парадак, i хулiганства ўзбуджаны крымiнальныя справы па артыкулах 342 i 339 Крымiнальнага кодэкса. Зараз праводзiцца папярэдняе расследаванне.

Праваахоўнымi органамi любыя спробы паўтарэння падобных процiпраўных дзеянняў i надалей будуць рашуча спыняцца.

Пракуратура Рэспублiкi Беларусь заяўляе:

пры арганiзацыi i правядзеннi грамадзянамi А. Казулiным i А. Мiлiнкевiчам, былымi кандыдатамi ў Прэзiдэнты Рэспублiкi Беларусь, масавых акцый у перыяд з 19 па 25 сакавiка 2006 года груба парушаны патрабаваннi Закона Рэспублiкi Беларусь ад 30.12.1997 г. «Аб масавых мерапрыемствах у Рэспублiцы Беларусь»;

пры спыненнi несанкцыянаваных мерапрыемстваў супрацоўнiкi падраздзяленняў Мiнiстэрства ўнутраных спраў дзейнiчалi ў адпаведнасцi з паўнамоцтвамi, якiя iм прадаставiў закон;

усе арганiзатары несанкцыянаваных акцый, iх актыўныя ўдзельнiкi, парушальнiкi грамадскага парадку панясуць адмiнiстрацыйную або крымiнальную адказнасць у адпаведнасцi з законам i ў залежнасцi ад ступенi вiны.

Прынцыпы роўнасцi перад законам i непазбежнасцi пакарання за ўчыненыя правапарушэннi будуць рэалiзаваны ў поўным аб’ёме.

Генеральны пракурор Рэспублiкi Беларусь П.П. МIКЛАШЭВIЧ.