Беларусы папаўняюць «засекi» золатам

Источник материала:

Першы квартал гэтага года можна назваць рэкордным у параўнаннi з аналагiчным леташнiм перыядам па аб’ёму купленых беларусамi залатых мерных злiткаў: насельнiцтву краiны прададзена каля 272 кiлаграмаў каштоўнага металу (7823 злiткi), што ў 3,5 раза больш, чым за студзень-сакавiк 2005 года.

Паводле слоў прэс-сакратара Нацыянальнага банка Беларусi Мiхаiла Журавовiча, сапраўды ажыятажны попыт людзей на высакародны метал эксперты тлумачаць наяўнасцю свабодных грошай у грамадзян. Таксама немалы ўплыў на апошнiя падзеi аказваюць i тэндэцыi па росту цэн на золата, кошт якога, напрыклад, толькi за мiнулы тыдзень падняўся на сусветным рынку больш як на 20 долараў ЗША i на таргах у Нью-Йорку дасягнуў на пачатку гэтага тыдня 592,4 долара за унцыю. Такiм чынам, эксперты, якiя казалi летась, што сярэдняя сусветная цана золата ў першым паўгоддзi 2006 года будзе «загнана» на адзнаку прыкладна ў 521 долар за унцыю, былi вельмi сцiплымi ў сваiх прагнозах.

Некаторыя беларускiя аналiтыкi адзначаюць, што падобнага працяглага росту цэн на золата на сусветных рынках не назiралася з 1968 года. Больш таго, яны ўпэўнены, што так будзе i ў блiжэйшай перспектыве. Прывабнасць каштоўнага металу як сродку найбольш надзейнага захавання капiталу будзе толькi павышацца з-за вялiкай нестабiльнасцi сусветнага фондавага рынку, хiстання вядучых валют, а таксама пастаяннай напружанасцi ў Iраку i пагрозы пастаўкi нафты з гэтага рэгiёна ў ЗША i Заходнюю Еўропу, што захоўваецца.

Што таксама немалаважна, цяперашнюю сiтуацыю могуць падагрэць i цэнтрабанкi шэрагу краiн. Так, паводле iнфармацыi некаторых экспертаў, на сусветным рынку актыўна абмяркоўваюцца чуткi, што шэраг цэнтральных банкаў азiяцкiх дзяржаў плануюць павялiчыць долю золата ў золатавалютных рэзервах. Што далёка хадзiць: у тым жа Цэнтрабанку Расii разглядаецца пытанне аб падваеннi долi золата ў золатавалютных рэзервах з 5 да 10 працэнтаў. Як вядома, Беларусь таксама нарошчвае свой залаты запас...

Аднак, вяртаючыся да сiтуацыi ў нашай краiне, адзначым, што агульная вага купленых беларусамi залатых мерных злiткаў перавалiла за тону: насельнiцтву прададзена 1047 кiлаграмаў гэтага каштоўнага металу з золата найвышэйшай пробы — 999. Як i раней, найбольшы попыт у людзей — на 10-грамовыя злiткi, якiх у першым квартале было прададзена амаль трэць цi 2109 штук. Другую i трэцюю пазiцыi трымаюць мерныя злiткi вагой па 5 i 20 грамаў, якiх было куплена 1423 i 1349 штук адпаведна. Знайшлiся ў нас i больш багатыя пакупнiкi, якiя не разменьвалiся на дробязi: за тры месяцы гэтага года ўжо прададзена 38 злiткаў па паўкiло i 37 злiткаў — па 1 кiлаграму.

Карцiна будзе не поўнай, калi не ўзгадаць аб тым, як iшла рэалiзацыя ў рэспублiцы злiткаў з плацiны i серабра. Нагадаем, што iх продаж быў пачаты Нацбанкам у сярэдзiне красавiка мiнулага года. Дык вось, з таго часу насельнiцтва набыло 6,9 кiлаграма мерных злiткаў з плацiны i каля 234 кiлаграмаў — з серабра. За студзень—сакавiк гэтага года фiзiчныя асобы купiлi 112 плацiнавых злiткаў агульным аб’ёмам больш як 1,7 кiлаграма i 1403 сярэбраных вагой 103,8 кiлаграма.

За тры з паловай месяцы, з пачатку рэалiзацыi насельнiцтву каштоўных камянёў, Нацбанкам прададзена 134 брыльянты агульнай вагой 33,23 карата. Выручка ад прададзеных брыльянтаў склала 164 мiльёны рублёў, або 77 тысяч долараў ЗША.