Кармацэх-юбiляр на калёсах

Источник материала:

Калi ўдавацца ў падрабязнасцi, то такi трактарны прычэп займаецца прыгатаваннем паўнацэннай кармавой сумесi з больш чым 10 розных кампанентаў — сена, саломы (у тым лiку цюкаванай), сiласу, сенажу, караня-плодаў, камбiкорму i iншых. Час змяльчэння i змешвання пасля загрузкi — усяго пяць хвiлiн. Раўнамерная выгрузка праз спецыяльны жолаб цi скрабковым транспарцёрам на вышыню да 0,7 метра робiцца прама ў кармушкi жывёле цi на кармавы стол. Ёмiстасць у 12 куб. метраў дазваляе забяспечыць кармамi 1000 i больш галоў у змену.

Становiцца зразумелым, чаму на ваўкавыскай «Зорцы» працуе аж шэсць такiх комплексаў, i па чатыры — у «Астрамечаве», у «Саўгасе «Слуцк», у СПК «Абухава» i некаторых iншых гаспадарках. У многiх жа — па два-тры.

I вось апошняя навiна: на прадпрыемстве сышоў з канвеера пяцiсоты унiверсальны кармараздатчык. Генеральны дырэктар Анатоль Федзюковiч лiчыць, што дзецiшча яго калектыву здольна iстотна падмацаваць беларускiх i расiйскiх жывёлаводаў. У планах прадпрыемства — падвоiць выпуск прадукцыi, якая стопрацэнтна разыходзiцца на тэрыторыi ад Белавежжа да Усурыйскага краю i паўсюдна працуе выдатна.

Прадстаўнiк Мiнiстэрства сельскай гаспадаркi i харчавання рэспублiкi канкрэтызаваў задачу для калектыву: ужо сёння патрэбна да чатырох тысяч гэтых унiкальных машын толькi для Беларусi. Здаецца, калектыў такому iстотнаму павелiчэнню нагрузкi толькi рады.