У Беларусi дапамога ў сувязi з выхадам на пенсiю не будзе абкладацца падаходным падаткам

Источник материала:

Указ выдадзены кiраўнiком дзяржавы на падставе прапаноў працоўных калектываў i грамадзян. Гэтым дакументам вызваляюцца ад абкладання падаходным падаткам выхадныя дапамогi, атрыманыя фiзiчнымi асобамi ў парадку i на ўмовах, прадугледжаных калектыўным дагаворам, пагадненнем, у сувязi з iх выхадам на пенсiю.

Да прыняцця ўказа ад падаткаабкладання вызвалялiся толькi выхадныя дапамогi, што выплачвалiся работнiкам у выпадках i памерах, вызначаных заканадаўчымi актамi. Таму пры iх атрыманнi грамадзяне павiнны былi выплацiць падаходны падатак, памер якога мог скласцi да 30 працэнтаў ад сумы дапамогi.

Велiчыня выхадной дапамогi, якая вызваляецца ад падаткаабкладання, абмежавана максiмальным памерам выхадных дапамог, што выплачваюцца на прадпрыемствах рэспублiкi, i складае дзевяць сярэднямесячных заработных плат работнiка.

Прыняцце гэтага акта кiраўнiком дзяржавы ўзмацняе сацыяльную абарону грамадзян, забяспечвае рэалiзацыю iмi сваiх эканамiчных iнтарэсаў i правоў у галiне сацыяльна-працоўных адносiн i з’яўляецца матэрыяльнай падтрымкай кожнага работнiка ў рэспублiцы, якi выходзiць на пенсiю.

Прэс-служба Прэзідэнта Рэспублікі Беларусь.