Дуэт Мезiна з фартунай

Источник материала:

Iрына ПРЫМАК

Сапраўдныя аматары хакея ўжо, напэўна, ведаюць, чым учора вечарам на 70-м чэмпiянаце свету ў Рызе завяршыўся паядынак нашай нацыянальнай зборнай з камандай Казахстана. Каб выйсцi ў наступны раунд, нас задавальняла нават нiчыя, але падначаленыя Глена Хэнлана наўрад цi хацелi б такога зыходу, бо казахi — аўтсайдары квартэта С: расiяне расправiлiся з iмi пакуль што з самым вялiкiм лiкам на першынстве — 10:1, а славакi — 6:0. Прыгадаем, што мiнулыя сустрэчы беларусаў завяршылiся перамогай над славакамi — 2:1 — i паражэннем ад расiян — 2:3. У саставе нашай каманды шайбы закiнулi Мялешка i Антоненка (у першым матчы) i зноў Антоненка i Макрыцкi. На жаль, наш абаронца Руслан Салей не можа дапамагчы нацыянальнай камандзе: ён працягвае барацьбу ў Кубку Стэнлi. Яго «Анахайм Майцi Дакс» вядзе ў серыi супраць «Каларада Эвеланш» — 3:0.

Вынiкi ў групе А: Латвiя — Чэхiя — 1:1, Фiнляндыя — Славенiя — 5:3, Фiнляндыя — Латвiя — 5:0, Чэхiя — Славенiя — 5:4, Чэхiя — Фiнляндыя — 3:3, Славенiя — Латвiя — 1:5. Вынiкi ў групе В: Украiна — Швецыя — 2:4, Швейцарыя — Iталiя — 3:1, Швецыя — Iталiя — 4:0, Швейцарыя — Украiна — 2:1. Вынiкi ў групе D: Данiя — Канада — 3:5, ЗША — Нарвегiя — 3:1, Канада — Нарвегiя — 7:1, ЗША — Данiя — 3:0, Канада — ЗША — 2:1, Нарвегiя — Данiя — 6:3.