Главная
Гороскопы
У сталiцы вырасце «Хрустальная ружа»
Iрына ПРЫМАК
Турнiры У блiжэйшы уiк-энд у Мiнску ў чацвёрты раз адбудзецца этап Гран-пры па мастацкай гiмнастыцы «BelSwissBank», на якiм магчыма будзе пабачыць 23 зборныя. Дзеля гэтага ў сталiчным Палацы спорту спецыяльна растапiлi лёд, бо летась шэраг спартсменак скардзiлiся на холад. Спаборнiцтвы завершацца традыцыйным шоу «зорак». Дарэчы, канкурыраваць з беларускiм прадстаўленнем пакуль не могуць нiякiя iншыя краiны.Як адзначыў генеральны сакратар Нацыянальнага алiмпiйскага камiтэта Генадзь Катулiн, у кожным еўрапейскiм горадзе ёсць свае адметнасцi: «Напрыклад, у Бруселi — гэта фестываль кветак. У нас таксама ёсць своеасаблiвы кiрмаш кветак, дзе прадстаўлены лепшыя грацыi свету. Маю на ўвазе мiнскi этап Гран-пры». Асаблiвасцю сёлетняга турнiру стане адсутнасць спаборнiцтваў сярод маленькiх «мастачак» — «Baby Cup». Акрамя гэтага леташнi «Кубак перамогi» перайменаваны ў «Хрустальную ружу». Галоўны трэнер нашай нацыянальнай зборнай Iрына Ляпарская растлумачыла змяненнi наступным чынам: — Цяжка сумяшчаць дзiцячы турнiр з Гран-пры, якi патрэбна правесцi на вялiкiм узроўнi, ды i «Baby Cup» даўно заслужыў таго, каб выйсцi з ценю спаборнiцтваў сярод дарослых (дзiцячы турнiр запланавана правесцi ў снежнi, каб падараваць маленькiм сапраўдную казку пад Новы год). Што ж датычыцца выбару назвы для Кубка, то ў мiнулым годзе ён называўся «Кубкам перамогi», бо быў прымеркаваны да 60-годдзя перамогi ў Вялiкай Айчыннай вайне. На гэты раз вырашылi назваць спаборнiцтвы «Хрустальнай ружай», таму што ружа — каралева кветак, а хрусталь — верх вытанчанасцi.
Чтобы разместить новость на сайте или в блоге скопируйте код:
На вашем ресурсе это будет выглядеть так
У блiжэйшы уiк-энд у Мiнску ў чацвёрты раз адбудзецца этап Гран-пры па мастацкай гiмнастыцы «BelSwissBank» |
|